Petrol Diesel Price Today : कच्चे तेल झाले स्वस्त! पेट्रोल-डिझेलची दरवाढ विसरा आता

Petrol Diesel Price Today : एकीकडे सोन्याला महागाईची इंगळी डसली आहे. तर दुसरीकडे आंतरराष्ट्रीय बाजारात कच्चा तेलाचा तोरा उतरला आहे. यावर्षात गेल्या अडीच महिन्यात कच्चा तेलाने जोरात उसळी घेतली नाही. भावात घसरणच सुरु आहे. त्यामुळे तेल विपणन कंपन्यांना हे वर्ष लक्की ठरलं आहे!

आजचा भाव तर जाणून घ्या

KALYAN DESHMUKH | Updated on: Mar 19, 2023 | 8:31 AM

नवी दिल्ली : एकीकडे सोन्याला (Gold) महागाईची इंगळी डसली आहे. तर दुसरीकडे आंतरराष्ट्रीय बाजारात कच्चा तेलाचा तोरा उतरला आहे. यावर्षात गेल्या अडीच महिन्यात कच्चा तेलाने जोरात उसळी घेतली नाही. भावात घसरणच सुरु आहे. त्यामुळे तेल विपणन कंपन्यांना हे वर्ष लक्की ठरलं आहे! 19 मार्च रोजी डब्ल्यूटीआई क्रूड ऑईलमध्ये (WTI Crude Oil) 2.36 टक्के घसरुन 66.74 डॉलर प्रति बॅरलवर पोहचले. तर ब्रेंट क्रूड ऑईलची (Brent Crude Oil) किंमत 2.32 टक्के घटली. आज हा भाव 72.97 डॉलर प्रति बॅरल आहे. या किंमतींच्या आधारे भारतीय तेल कंपन्या दररोज पेट्रोल-डिझेलचा दर (Petrol-Diesel Price) जाहीर करतात. कच्चे तेल फारसे न वधारल्याने पेट्रोल-डिझेलची कपात तर माहिती नाही पण दरवाढ मात्र होणार नाही, हे नक्की.

कोणत्या देशाकडून होतो पुरवठा

सध्या रशियाकडून भारताला रोज 16 लाख बॅरल्स कच्चा तेलाचा पुरवठा करण्यात येत आहे
तर इराककडून 9.4 लाख बॅरल, सौदी अरबकडून 6.5 लाख बॅरल कच्चे तेल आयात होते
संयुक्त अरब अमिरातकडून 4 लाख बॅरल, अमेरिकेकडून 2.5 लाख बॅरल प्रत्येक दिवशी पुरवठा होत आहे
2006-07 मध्ये भारत 27 देशांकडून इंधन आयात करत होता. 2021-22 मध्ये ही संख्या 39 इतकी झाली आहे
वर्षभरात भारतीय तेल कंपन्यांना इतर पुरवठादारांपेक्षा रशियकडून 2 डॉलर प्रति बॅरलचा फायदा होत आहे.

राज्यातील प्रमुख शहरातील इंधनाचे दर