एसबीआयकडून 2 लाखांचा मोफत फायदा; ‘हे’ ग्राहक असणार लाभार्थी

नवी दिल्ली – देशातील सर्वत मोठी सरकारी बँक असलेल्या स्टेट बँक ऑफ इंडियाकडून (SBI) आपल्या ग्राहकांना मोफत दोन लाख रुपयांच्या अपघाती विम्याचा लाभ देण्यात येत आहे. मात्र त्यासाठी संबंधित ग्राहकाचे प्रधानमंत्री जनधन योजनेंतर्गत बँकेत खाते असायला हवे. भारताबाहेर जर एखाद्या व्यक्तीचा अपघात झाला, तर त्या व्यक्तीला देखील एसबीआयकडून अपघाती विम्याचे सुरक्षा कवच मिळणार असल्याचे बँकेच्या वतीने सांगण्यात आले आहे.

या विमा योजनेचा लाभ घेण्यासाठी संबंधित व्यक्तीला एसबीआयमध्ये प्रधानमंत्री जनधन योजेनेंतर्गत खाते उघडावे लागणार आहे. ज्या व्यक्तींना एसबीआयचे रुपे जनधन डेबीटकार्ड मिळाले आहे, असे सर्वजन या योजनेसाठी पात्र असणार आहेत. ज्या व्यक्तींनी 28 ऑगस्ट 2018 पूर्वी बँकेत खाते उघडले आहे, त्यांना देखील या विम्याचा लाभ मिळणार आहे. ज्या व्यक्तीचे एसबीआयमध्ये जनधन खाते आहे त्या व्यक्तींन 2 लाखांचा तर ज्यांनी 28 ऑगस्ट 2018 पूर्वी बँकेत खाते उघडले आहे, त्यांना एक लाखांचा अपघाती विमा मिळणार आहे.

 क्लेम कसा करावा?

संबंधित व्यक्तीचा अपघातामध्ये मृत्यू झाल्यास विम्याचा लाभ घेण्यासाठी बेनिफिशरी म्हणून ज्या व्यक्तीचे नाव असेल, त्या व्यक्तीला एसबीआयचा एक क्लेम फॉर्म भरावा लागणार आहे. त्या फॉर्मसोबत मृत्यू झालेल्या व्यक्तीचे मृत्यू  प्रमाणपत्र, अपघाती मृत्यू झाल्याची एफआयआरची कॉपी आणि मृत व्यक्तीचे आधारकार्ड जोडावे लागणार आहे. सर्व कागदपत्रे जमा केल्यानंतर बेनिफिशरी व्यक्तीला विम्याची रक्कम मिळेल. मात्र अपघाती मृत्यू झाल्यापासून 90 दिवसांच्या आत ही सर्व प्रक्रिया करणे आवश्यक आहे.

चिखलात लोळण्याचा कार्यक्रम वक्तशीर झाला, बर्नार्ड शॉ वाचण्यासाठी दोघांनाही उशीर झाला:संजय राऊतhttps://t.co/YBia0N0SV9#SanjayRaut | #NawabMalik | #DevendraFadnavis | @rautsanjay61

— TV9 Marathi (@TV9Marathi) November 11, 2021

संबंधित बातम्या 

व्यवसायिकांचे क्रिप्टोकरन्सीला प्राधान्य; सोन्यातील गुंतवणुकीत घट, काय आहेत कारणे?

Paytm ने शेअर विक्रीत इतिहास रचला, 18300 कोटी रुपयांचा IPO पूर्ण सबस्क्राईब झाला

भारतात पेट्रोल कार इतक्‍याच स्वस्त होणार इलेक्ट्रिक कार, काय आहे नितीन गडकरींचा प्लान?