Petrol Diesel Price Today : आज खिशावर किती पडणार भार ? पेट्रोल-डिझेलचे तुमच्या शहरात भाव किती ? जाणून घ्या एका क्लिकवर
गेल्या काही दिवसांतील इंधन दरवाढीनंतर आज (27 मे) पेट्रोल-डिझेलच्या किमती स्थिर राहिल्याने ग्राहकांना दिलासा मिळाला आहे. जागतिक बाजारात कच्च्या तेलाचे दर 100 डॉलर प्रति बॅरलच्या आसपास असूनही, सरकारी तेल कंपन्यांनी मागील दोन आठवड्यांत चार वेळा दर वाढवले होते, ज्याचा सर्वसामान्य नागरिकांच्या बजेटवर परिणाम झाला. आजची स्थिरता ही त्या सततच्या वाढीनंतर आलेला दिलासा आहे.
जागतिक अशांतता, तणाव, इंधनाची टंचाई, या सर्व पार्श्वभूमीवर सरकारी तेल विपणन कंपन्यांनी (HPCL, BPCL, IOCL) गेल्या 12 दिवसांत पेट्रोल-डिझेलच्या दरातं थोडीथोडी करत वाढ केली, ज्याचा फटका सर्वसामान्य नागरिकांन बसल्याचे दिसत आहे. अर्ध्या महिन्याच्या आता पेट्रोल आणि डिझेलच्या दरांमध्ये चार वेळा वाढ झाल्याने लोकांच्या खिशाला कात्री बसली असून त्यांचं बजेट कोलमडण्याच्या मार्गावर आहे. आज, 27 मे रोजी पेट्रोल-डिझेलचे नवे दर जारी केले आहेत. पण आज इंधनाच्या किमती स्थिर राहिल्याने नागरिकांना मोठा दिलासा मिळाला आहे. आंतरराष्ट्रीय कच्च्या तेलाच्या किमती प्रति बॅरल 100 डॉलरपेक्षा कमी आहेत. सकाळी 6 वाजता अपडेट केलेल्या ताज्या यादीनुसार, पेट्रोल, डिझेल आणि सीएनजीच्या किमती आज पूर्णपणे स्थिर आहेत.
गेल्या दोन आठवड्यांचा आलेख पाहिला तर, त्याचा सर्वसामान्यांच्या खिशावर थेट परिणाम झाला आहे. या काळात तेलाच्या किमती चार वेळा वाढल्या, ज्यामुळे लोकांना रोजच दरवाढीची भीती सतावू लागली. आपण ही आकडेवारी पाहिली तर 15 मे रोजी सर्वात मोठी दरवाढ झाली, त्यादिवशी दरांत प्रति लिटर 3 रुपयांची थेट वाढ झाली. यानंतर, 19 मे रोजी सुमारे 90 पैशांची, तर 23 मे रोजी पेट्रोलमध्ये 87 पैशांची आणि डिझेलमध्ये 91 पैशांची वाढ झाली. पम हा ट्रेंड इथेच थांबला नाही, तर या आठवड्याच्या सुरूवातीला, सोमवार 25 मे रोजी देखील पेट्रोल 2.61 रुपयांनी आणि डिझेल 2.71 रुपयांनी महाग झालं.
देशातील मोठ्या शहरातील पेट्रोल-डिझेलचे दर
| शहर | पेट्रोल (₹/लीटर) | डिझेल (₹/लीटर) |
| दिल्ली | 102.12 | 95.20 |
| मुंबई | 111.21 | 97.83 |
| कोलकाता | 113.51 | 99.82 |
| चेन्नई | 107.77 | 99.55 |
| लखनऊ | 102.05 | 99.28 |
| डेहराडून | 100.20 | 97.10 |
| जयपुर | 112.66 | 97.78 |
| पाटणा | 112.70 | 99.87 |
| चंदीगड | 101.53 | 89.63 |
| भोपाळ | 114.65 | 99.74 |
| रायपुर | 107.96 | 101.17 |
तुमच्या शहरातील रेट किती ? एका मेसेजने थेट कळेल माहिती
जर तुम्हाला तुमच्या शहरातील लेटेस्ट दर किंवा किंमत दररोज सकाळी घरबसल्या तपासायची असेल, तर हे खूप सोपं आहे. इंडियन ऑइल (IOC) चे ग्राहक 9224992249 या क्रमांकावर ‘RSP’ असा एसएमएस पाठवू शकतात. त्याचप्रमाणे, बीपीसीएलचे ग्राहक हे 9223112222 या क्रमांकावर ‘HPPRICE’ असा मेसेज पाठवून दर जाणून घेऊ शकतात. आणि HPCL च्या ग्राहकांसाठी 9222201122 हा नंबर देण्यात आला असून ते या नंबरवर HPPRICE असं लिहून पेट्रोल-डिझेलचे लेटेस्ट दर तपासू शकतात. हे सिटी कोड तुम्हाला तेल कंपन्यांच्या अधिकृत वेबसाइटवर मिळतील.
