मैत्रिणींनो सोने खरेदीला चला, दरांमध्ये पुन्हा घसरण

Gold Price Today: सोन्याच्या दरात पुन्हा घसरण झाली आहे. मध्यपूर्वेतील परिस्थितीमुळे सातत्याने सोन्याच्या दरात घसरण होत असल्याचं समोर येत आहे. ज्वेलरी ब्रँड तनिष्कच्या वेबसाइटनुसार, 22 कॅरेट सोन्याची किंमत 97,850 रुपये प्रति 10 ग्रॅम आहे, तर 22 कॅरेट सोन्याची किंमत 89,700 रुपये प्रति 10 ग्रॅम आहे. चला तर मग याविषयीची माहिती पुढे विस्ताराने जाणून घेऊया.

गेल्या आठवडाभरात सोन्याच्या दरात घसरण झाली आहे. मध्यपूर्वेतील परिस्थिती सुधारलेली नसली तरी इराण आणि इस्रायलयांच्यात शस्त्रसंधीची घोषणा आणि डॉलर मजबूत झाल्याने सोन्याच्या किमतींवर दबाव आला आहे. ज्वेलरी ब्रँड तनिष्कच्या वेबसाइटनुसार, 22 कॅरेट सोन्याची किंमत 97,850 रुपये प्रति 10 ग्रॅम आहे, तर 22 कॅरेट सोन्याची किंमत 89,700 रुपये प्रति 10 ग्रॅम आहे.

एमसीएक्सवर सोन्याचा भाव

मल्टी कमोडिटी एक्स्चेंज अर्थात एमसीएक्सवर सोन्याचे दर सपाट आहेत, सुरुवात जरी हिरव्या रंगात झाली असली तरी फारशी तेजी नाही. येथे सोन्याचा भाव 95,475 म्हणजेच 0.01% आहे.

जागतिक बाजारपेठेची स्थिती

आंतरराष्ट्रीय बाजारात सोन्याचे दर घसरणीसह उघडले, मात्र त्यानंतर सोने हळूहळू मजबूत झाले. सध्या सोन्याचा भाव 3,280 डॉलर प्रति औंस आहे.

सोन्याच्या दरात आणखी घसरण होणार?

सोन्याच्या दरात आणखी घसरण होणार आहे. अमेरिकेच्या फेडरल रिझर्व्हच्या भूमिकेबाबत अनिश्चितता कायम असल्याने येत्या काही दिवसांत सोन्याच्या दरात आणखी घसरण होण्याची शक्यता आहे. फेडचे अध्यक्ष जेरोम पॉवेल यांनी आपल्या ताज्या निवेदनात व्याजदरात कपात केली जाऊ शकते, असे संकेत दिले आहेत, परंतु सध्या तरी ते शक्य दिसत नाही. त्यामुळे जागतिक पातळीवर गुंतवणूकदार सोन्यापासून दूर राहत असून, किंमतींवर दबाव आहे.

एलकेपी सिक्युरिटीजचे रिसर्च ॲनालिस्ट जतिन त्रिवेदी यांनी पीटीआयच्या हवाल्याने सांगितले की, भूराजकीय तणाव कमी झाल्यामुळे आणि गुंतवणूकदारांच्या बदलत्या भावनांमुळे सोने आता 93,000 ते 97,500 रुपये प्रति 10 ग्रॅमच्या दरम्यान व्यवहार करू शकते. आंतरराष्ट्रीय बाजारात याची किंमत 3,175 डॉलर ते 3,325 डॉलर दरम्यान असू शकते.

सोन्याला काहीसा दिलासा मिळू शकतो

वेंचुराचे कमोडिटीज प्रमुख एनएस रामास्वामी यांच्या मते, सोन्यात मजबुतीची शक्यता सध्या मर्यादित आहे. अमेरिका-चीन करारातून डॉलर निर्देशांकाला फारसा आधार मिळाला नसला तरी 9 जुलैची टॅरिफ डेडलाइन पुढे ढकलल्यास सोन्याला काहीसा दिलासा मिळू शकतो.