Gold Silver Rate Today 14 August 2024 : सोने आणि चांदी झाले महाग, आता किती वाढली किंमती, जाणून घ्या एका क्लिकवर

सोने आणि चांदीने गेल्या आठवड्याच्या अखेरीस ग्राहकांचा खिसा कापला. तर या आठवड्याच्या सुरुवातीला दरवाढीचे सत्र कायम आहे. 15 ऑगस्ट रोजी मौल्यवान धातू खरेदी करण्यासाठी अनेकांची योजना आहे. पण वाढलेल्या दराने काहींच्या मनसुब्यांवर पाणी फेरले. गेल्या आठवड्याच्या सुरुवातीच्या चार दिवसात मौल्यवान धातूत मोठी पडझड झाली होती. सध्या मौल्यवान धातूत दरवाढ झाली आहे. आता अशा आहेत किंमती (Gold Silver Price Today 14 August 2024 )

सोने वधारले

या आठवड्याच्या सुरुवातीला दोन दिवसात सोने वधारले आहे. पहिल्या दिवशी सोमवारी सोने 270 रुपयांनी वाढले. तर 13 ऑगस्ट रोजी त्यात 104 रुपयांची भर पडली. आज सकाळच्या सत्रात पण सोने भरारी घेण्याचे संकेत देत आहे. गुडरिटर्न्सनुसार, आता 22 कॅरेट सोने 65,580 रुपये प्रति 10 ग्रॅम तर 24 कॅरेट सोन्याचा भाव 71,770 रुपये प्रति 10 ग्रॅम आहे.

चांदीने मारली मुसंडी

गेल्या आठवड्याच्या सुरुवातीला चांदी 4200 रुपयांनी उतरली होती. तर या आठवड्याच्या सुरुवातीला चांदी हजार रुपयांनी महागली. सोमवारी 12 ऑगस्ट रोजी चांदी किलोमागे 600 रुपयांनी उतरली. तर 13 ऑगस्ट रोजी 1 हजार रुपयांनी किंमती वधारल्या. आज सकाळच्या सत्रात चांदीत दरवाढीची शक्यता आहे. गुडरिटर्न्सनुसार, एक किलो चांदीचा भाव 83,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 70444, 23 कॅरेट 70,162, 22 कॅरेट सोने 64,527 रुपयांवर घसरले. 18 कॅरेट आता 52,833 रुपये, 14 कॅरेट सोने 41,210 रुपये प्रति 10 ग्रॅमवर उतरले आहे. एक किलो चांदीचा भाव 80,702 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.