Gold Silver Rate Today 17 September 2024 : बाप्पा निघाले गावाला; लगाम घाला सोने आणि चांदीच्या दरवाढीला, भाविकांची प्रार्थना; भाव तरी काय सराफा बाजारात?

सोने आणि चांदीने गेल्या आठवड्यापासून तुफान बॅटिंग केली. गेल्या आठवड्यापासून आतापर्यंत सोन्यात 1,000 रुपयांहून अधिकची वाढ झाली आहे. तर चांदीत या काळात 8,600 रुपयांची वाढ दिसली. या दोन्ही धातूची नवीन विक्रमाच्या दिशेने घौडदौड सुरू आहे. जळगावच्या सराफा बाजारात पण दोन्ही धातूंनी ग्राहकांच्या तोंडचे पाणी पळवले आहे. तर देशातील अनेक सराफा पेठेत मौल्यवान धातु लवकरच कमाल करुन दाखवण्याची शक्यता आहे. सणासुदीत बेशकिंमती धातूंच्या या तुफान खेळीने ग्राहकांच्या तोंडचे पाणी पळाले आहे. आता काय आहेत मौल्यवान धातूच्या किंमती? (Gold Silver Price Today 17 September 2024 )

सोन्याची घौडदौड सुरूच

गेल्या आठवड्यात सोने 900 रुपयांहून अधिकने वधारले. आठवड्याच्या अखेरीस सुद्धा मौल्यवान धातूची घौडदौड सुरूच होती. या आठवड्याची सुरुवात सोन्याच्या महागाईनेच झाली. आता हा धातूत किती उसळी घेतो हे लवकरच समोर येईल. या सोमवारी सोने 110 रुपयांनी वधारले. तर आजही सकाळच्या सत्रात सोन्याने दरवाढीचे संकेत दिले आहे. गुडरिटर्न्सनुसार, आता 22 कॅरेट सोने 68,895 रुपये प्रति 10 ग्रॅम तर 24 कॅरेट सोन्याचा भाव 75,150 रुपये प्रति 10 ग्रॅम आहे.

चांदीची दणकेबाज सुरुवात

चांदीने गेल्या आठवड्यात 7 हजारांची उसळी घेतली. चांदीच्या या तुफान फटकेबाजीने गुंतवणूकदार हवालदिल झाले आहेत. दरवाढीचे सत्र या आठवड्यात पण दिसून आले. सोमवारी 16 सप्टेंबर रोजी चांदी 1 हजार रुपयांनी वधारली. तर आज सकाळच्या सत्रात चांदीत 100 रुपयांची भर पडली. गुडरिटर्न्सनुसार, एक किलो चांदीचा भाव 93,100 रुपये आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 73489, 23 कॅरेट 73,195, 22 कॅरेट सोने 67,316 रुपयांवर घसरले. 18 कॅरेट आता 55,117 रुपये, 14 कॅरेट सोने 42,991 रुपये प्रति 10 ग्रॅमवर आहे. एक किलो चांदीचा भाव 88,314 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.