Gold Silver Rate Today 9 February 2025 : महागाईच्या आखाड्यात, सोने-चांदीची काय खबरबात, ग्राहकांचा खिसा कापला की दिला दिलासा?

दिल्लीत आपचे पानीपत झाले. भाजपाच्या सत्तेचा वारू देशभर पसरला. आता अनेक राज्यात भाजपचे डबल इंजिन सरकार आले आहेत. सोने-चांदीचे भाव सातत्याने वाढत असताना केंद्र सरकारने याबाबत हस्तक्षेप करण्याची मागणी ग्राहकांकडून करण्यात येत आहे. गेल्या बजेटमध्ये आयात शुल्कावर मोठी कर कपात झाली होती. या बजेटमध्ये मात्र या क्षेत्राला दिलासा मिळाला नाही. महागाईच्या आखाड्यात सोने आणि चांदीने ग्राहकांचा खिसा कापला की दिलासा दिला? सुट्टीच्या दिवशी मौल्यवान धातुची खरेदी करायची असेल तर अगोदर किंमत जाणून घ्या.18K, 22K, 24K सोन्याच्या तर एक किलो चांदीची अशी आहे किंमत? (Gold Silver Price Today 9 February 2025 )

सोन्याची घोडदौड

या आठवड्यात सोन्याने तुफान घोडदौड केली. सोमवारी सोने 440 रुपयांनी घसरले होते. मंगळवारी 115 रुपयांनी आणि बुधवारी 1040 रुपयांनी सोन्याने मुसंडी मारली. गुरुवारी त्यात 250 रुपयांची भर पडली. गुडरिटर्न्सनुसार, आता 22 कॅरेट सोने 79,450 रुपये प्रति 10 ग्रॅम तर 24 कॅरेट सोन्याचा भाव 86,660 रुपये प्रति 10 ग्रॅम आहे.

चांदीत चढउतार

या आठवड्यात चांदीत चढउताराचे सत्र दिसून आले. 4 फेब्रुवारी रोजी चांदी 1 हजार रुपयांनी स्वस्त झाली. तर बुधवारी चांदी 1 हजारांनी वाढली. त्यानंतर भावात बदल दिसला नाही. गुडरिटर्न्सनुसार, एक किलो चांदीचा भाव 99,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 84,699, 23 कॅरेट 84,360, 22 कॅरेट सोने 77,584 रुपयांवर आहे. 18 कॅरेट आता 63,524 रुपये, 14 कॅरेट सोने 49,549 रुपये प्रति 10 ग्रॅमवर आहे. एक किलो चांदीचा भाव 95,391 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.