ITR Filing: ITR भरणारांसाठी मोठी बातमी! 31 जुलैपर्यंत ITR फाईल केला नाही तर मुदत वाढणार? Expert काय म्हणाले?
31 जुलै 2026 च्या अंतिम मुदतीपूर्वी आयटीआर फॉर्म 1 आणि 2 भरताना अनेक करदात्यांना तांत्रिक अडचणींचा सामना करावा लागला. अंतिम मुदत जवळ येत असल्याने, आयटीआर भरणार्यांच्या संख्येत लक्षणीय वाढ होण्याची शक्यता आहे.
31 जुलै 2026 च्या अंतिम मुदतीपूर्वी आयटीआर फॉर्म 1 आणि 2 भरताना अनेक करदात्यांना तांत्रिक अडचणींचा सामना करावा लागला. अंतिम मुदत जवळ येत असल्याने, आयटीआर भरणार्यांच्या संख्येत लक्षणीय वाढ होण्याची शक्यता आहे. पोर्टलवर आणखी तांत्रिक अडचणी येऊ शकतात, ज्यामुळे विवरणपत्र सादर करण्यास विलंब होऊ शकतो किंवा ते अयशस्वी होऊ शकते. गेल्या वर्षी जेव्हा करदात्यांना अशाच तांत्रिक अडचणींचा सामना करावा लागला होता, तेव्हा आयकर विभागानेआयटीआर भरण्याची अंतिम मुदत एकदा नव्हे तर दोनदा वाढवली होती: प्रथम 31 जुलैवरून 15 सप्टेंबरपर्यंत आणि नंतर 16 सप्टेंबरपर्यंत. या वर्षीही 31 जुलैची आयटीआर भरण्याची अंतिम मुदत वाढवली जाईल का हे जाणून घ्या…
आयटीआर भरण्याची 31 जुलैची अंतिम मुदत पगारदार व्यक्ती, निवृत्तीवेतनधारक, विद्यार्थी आणि ज्यांची टॅक्स ऑडिट होत नाही, अशा सर्वांना लागू होते. यावर्षी, आयकर विभागाने तांत्रिक अडचणी दूर करण्यासाठी केलेल्या प्रयत्नांमुळे अनेक करदात्यांसाठी कर भरण्याची प्रक्रिया मागील वर्षांपेक्षा सोपी झाली आहे. शिवाय, त्यांनी मूल्यांकन वर्ष 2026-27 साठीचे कर अर्ज मागील वर्षाच्या तुलनेत खूप आधी प्रसिद्ध केले आहेत. यामुळे आयटीआर ई-फायलिंग प्रणालीवरील भार अधिक कालावधीत विभागण्यास मदत होते. शिवाय, आयटीआर-3 आणि आयटीआर-4 अर्ज दाखल करण्याची अंतिम मुदत 31 ऑगस्ट 2026 आहे. हे अर्ज सामान्यतः व्यावसायिक किंवा पेशाजन्य उत्पन्न असलेल्या व्यक्तींद्वारे किंवा अनुमानित कर आकारणी योजनेची निवड करणाऱ्यांद्वारे दाखल केले जातात. असे असूनही, अनेक आयटीआर दाखल करणारे अजूनही आयटीआर पोर्टलमध्ये समस्या येत असल्याचे सांगत आहेत.
सीए अभिषेक सोनी, टॅक्स२विनचे सीईओ आणि सह-संस्थापक, यांच्या म्हण्यानुसार, सध्या मुदतवाढ मिळण्याची शक्यता कमी आहे. समस्या कायम राहिल्यास मुदतवाढीची शक्यता त्यांनी नाकारलेली नाही. आयकर विभागाने म्हटल्याप्रमाणे ई-फायलिंग पोर्टल व्यवस्थित काम करत आहे. विभागाने अंतिम मुदतीपूर्वी तांत्रिक समस्या दूर करण्यासाठी पावले उचलली आहेत. जर पोर्टलमध्ये मोठ्या समस्या कायम राहिल्या आणि अनेक करदाते त्यांचे रिटर्न दाखल करू शकले नाहीत, तर सरकार अंतिम मुदत वाढवण्याचा विचार करू शकते. अंतिम मुदत वाढण्याची वाट पाहण्याऐवजी 31 जुलैपूर्वी आपला आयटीआर दाखल करणे चांगले.”
