Mukesh Ambani Birthday: अंबानींचं रिटर्न गिफ्ट! 65वा वाढदिवस 63 हजार कोटींचा नफा, रिलायन्स शेअर्स टॉपला
Reliance Share : रिलायन्स इंडस्ट्रीजच्या स्टॉकमध्ये तब्बल चार टक्क्यांची वाढ नोंदविली गेली आणि आजच्या वधारणीच्या शेअर्समध्ये रिलायन्स अग्रक्रमावर पोहोचला.
नवी दिल्ली : शेअर बाजारात आज (मंगळवार) मोठ्या प्रमाणात घसरण नोंदविली गेली. सेन्सेक्स 700 अंकांनी गडगडला. एचडीएफसी बँक-एचडीएफसी विलनीकरणाचा उत्साह मावळल्यामुळं गुंतवणुकदारांना कोट्यावधी रुपयांवर पाणी सोडावं लागलं. मात्र, रिलायन्स शेअर्समध्ये (RELIANCE SHARE INVESTOR) गुंतवणूक करणाऱ्यांसाठी आजचा दिवस आर्थिक हिताचा ठरला. रिलायन्स इंडस्ट्रीजच्या स्टॉकमध्ये तब्बल चार टक्क्यांची वाढ नोंदविली गेली आणि आजच्या वधारणीच्या शेअर्समध्ये रिलायन्स अग्रक्रमावर पोहोचला. गुंतवणुकदारांच्या खिशात 63 हजार कोटी रुपयांची भर पडली. रिलायन्स इंडस्ट्रीचे सर्वेसर्वा मुकेश अंबानी (MUKESH AMBANI) यांचा 65 वा वाढदिवस साजरा केला जात आहे. त्यामुळे स्टॉकमध्ये तेजी आणि अंबानीचा वाढदिवस असा दुहेरी आनंद रिलायन्स गुंतवणुकदारांच्या (RELIANCE INVESTOR) गोटात पसरला आहे.
रिलायन्स वाढता वाढे…
रिलायन्स इंडस्ट्रीज स्टॉक आज (मंगळवार) 3.71 टक्क्यांच्या वाढीसह 2638.45 स्तरावर पोहोचला. कंपनीचा एकूण मार्केट कॅप 17,84,892.43 कोटी वर पोहोचला. आज व्यवहाराच्या दरम्यान स्टॉकची 2667 रुपयांवर ट्रेडिंग सुरू होती. आजच्या वधारणीसोबत गुंतवणुकदारांचे एकूण मूल्य एका दिवसात 67 हजार कोटींनी वाढले आहे. रिलायन्सने उर्जा क्षेत्रात प्रवेश केला आहे. त्यामुळे गुंतवणुकदारांच्या अपेक्षा उंचावल्या आहेत. अर्थ जाणकरांनी रिलायन्स स्टॉकमध्ये गुंतवणुकीला ग्रीन सिग्नल दर्शविला आहे.
रिलायन्स टॉप लिस्टेड :
रिलायन्स इंडस्ट्रीज लिमिटेड ही भारतातील सर्वात मोठी खाजगी कंपनी मानली जाते. ही कंपनी फॉर्च्यून 500 कंपन्यांच्या भारतीय कंपन्यांच्या यादीत समाविष्ट आहे. कंपनीचे इक्विटी शेअर्स नॅशनल स्टॉक एक्सचेंज ऑफ इंडिया लिमिटेड (NSE) आणि BSE लिमिटेड वर सूचीबद्ध आहेत. कंपनीने जारी केलेल्या ग्लोबल डिपॉझिटरी रिसीट्स (GDRs) लक्झेंबर्ग स्टॉक एक्सचेंजमध्ये सूचीबद्ध आहेत. रिलायन्सच्या एकूण समभागांपैकी अंदाजे 3.46% लक्झेंबर्ग स्टॉक एक्सचेंजमध्ये देखील सूचीबद्ध आहेत.
रिलायन्सनं सावरला बाजार:
शेअर बाजारात (SHARE MARKET UPDATE) मोठ्या प्रमाणात विक्रीचा दबाव दिसून आला. आज (मंगळवारी) सेन्सेक्समध्ये 700 अंकाहून अधिक घसरण नोंदविली गेली. आज सेन्सेक्स 703 अंकांच्या घसरणीसह 56463 वर पोहोचला. निफ्टी 215 अंकांच्या घसरणीसह 16958 वर बंद झाला. आज टॉप-30 शेअर्समध्ये केवळ रिलायन्स आणि आयसीआयसीआय बँक शेअरमध्ये तेजी नोंदविली गेली. तर सर्व 28 शेअर घसरणीसह बंद झाले. आजच्या घसरणीत सर्वाधिक भर एचडीएफसी, एचडीएफसी बँक आणि इन्फोसिस शेअ्र्रर्सची पडली.
संबंधित बातम्या :
Bank Merger : विलिनीकरणाचा उत्साह मावळला, एचडीएफसी गुंतवणुकदार तोट्यात; 9 दिवसात 2 लाख कोटींवर पाणी
