मिनिटांत कर्ज देणाऱ्या अॅपमुळे अनेकांनी केली आत्महत्या, RBI ने केलं अलर्ट
बर्याच अॅप्सच्या फसवणुकीवर त्रस्त झालेल्या ग्राहकांनी आत्महत्या केल्याच्या धक्कादायक घटना समोर आल्या आहेत. त्यामुळे तुम्ही अशा अॅप्समधून कर्ज घेण्याच्या विचारात असाल तर सावध व्हा.
नवी दिल्ली : तुम्ही कर्ज घेण्यासाठी मोबाईलमध्ये ऑनलाईन कर्ज देणारे अॅप डाऊनलोड केले असतील तर सावधान. कारण भारतीय रिझर्व्ह बँक ऑफ इंडियाने (RBI) लोकांना तात्काळ कर्ज देणाऱ्या अॅपबद्दल जागरुक राहण्यास सांगितलं आहे. बर्याच अॅप्सच्या फसवणुकीवर त्रस्त झालेल्या ग्राहकांनी आत्महत्या केल्याच्या धक्कादायक घटना समोर आल्या आहेत. त्यामुळे तुम्ही अशा अॅप्समधून कर्ज घेण्याच्या विचारात असाल तर सावध व्हा. (reserve bank warned be cautious many people suicide trap instant loan apps)
मिळालेल्या माहितीनुसार, आंध्र प्रदेशातील 3 लोकांनी ऑनलाईन अॅपद्वारे फसवणूक झाल्यामुळे आत्महत्या केली आहे. त्यामुळे ग्राहकांनी सावध राहण्याचा इशारा आरबीआयकडून (RBI) देण्यात आला आहे. या अॅप्सच्या माध्यमातून अनेक कंपन्या ग्राहकांची फसवणूक करत आहेत. तुम्ही पाहिलं असेल काही मिनिटांत व्याज मिळेल असं अनेक कंपन्या आवाहन करत आहेत. पण त्यानंतर कर्ज वसूलीसाठी जबरदस्ती केली जात असल्याचं समोर आलं आहे.
काय आहे संपूर्ण प्रकरण?
गुरुग्राम आणि हैदराबादमधील चार कर्ज अॅप फायनान्स कार्यालयांवर हल्लीच छापे टाकण्यात आले आहेत. यामध्ये दोन कार्यालयं गुरुग्राम आणि दोन हैदराबादमध्ये आहेत. कंपनीविषयी तपास केला असता संपूर्ण फसवणुकीचं प्रकरण समोर आलं. यामध्ये एका चिनी नागरिकाचाही समावेश असल्याची माहिती देण्यात आली आहे. हैदराबादचे सह पोलीस आयुक्त अविनाश मोहंती यांनी दिलेल्या माहितीनुसार, या चार कार्यालयांमध्ये कर्ज देणार 30 अॅप कार्यरत होते. ज्याच्या माध्यमातून ग्राहकांची फसवणूक होत होती.
कंपनीच्या जाचाला कंटाळून तिघांची आत्महत्या
कर्ज फेडण्यासाठी कंपनीने केलेल्या जाचामुळे सॉफ्टवेअर इंजीनिअर, तेलंगानाची एक महिला एग्रिकल्चर ऑफिसर यांच्यासह 3 लोकांनी डिफॉल्ट केल्यामुळे शोषण करण्यात आल्यामुळे आत्महत्या केली आहे. सगळ्यात धक्कादायक म्हणजे काही तास उशिरा पैसे दिल्यानंतरही त्यांना त्रास दिला जात असल्याची तक्रार बर्याच लोकांनी पोलीस ठाण्यात केली आहे.
काय म्हटले रिझर्व्ह बँकेने ?
केंद्रीय बँकेने एका निवेदनात दिलेल्या माहितीनुसार, ‘मोबाइल अॅपद्वारे सामान्य लोकांची फसवणूक होत आहे. त्यामुळे अशा विवेकास्पद अॅपद्वारे होणाऱ्या फसवुकीचे बळी पडू नका. यासाठी खबरदारी म्हणून तुमचे केवासी कागदपत्रं कुठेही शेअर करू नका. बँकेची खासगी माहितीही शेअर करण्याआधी विचार करा. (reserve bank warned be cautious many people suicide trap instant loan apps)
संबंधित बातम्या –
Gold Price Today: ख्रिसमसच्या आधी सोनं आणखी झालं स्वस्त, वाचा आजचे दर
दिवसाला कमवाल 4000 रुपये, नोकरी सोडून सुरू करा ‘हा’ व्यवसाय
Kisan Credit Card | आता तीन कागदपत्रांद्वारे मिळणार शेतकरी क्रेडिट कार्ड; कार्डावर मिळणार ‘इतकं’ कर्जhttps://t.co/TgOK3XIB6S#KCC #KisanCreditCard
— TV9 Marathi (@TV9Marathi) December 19, 2020
(reserve bank warned be cautious many people suicide trap instant loan apps)
