पेन्शनर्ससाठी खास सुविधा! आता व्हिडीओ कॉलद्वारे सादर करा हयातीचा दाखला, प्रक्रिया काय?

नवी दिल्ली : स्टेट बँक ऑफ इंडिया (SBI) 1 नोव्हेंबर 2021 पासून पेन्शनधारकांसाठी एक नवीन सुविधा सुरू करत आहे. या अंतर्गत बँकेतील पेन्शन खातेधारक घरबसल्या व्हिडीओ कॉलद्वारे त्यांचे जीवन प्रमाणपत्र सादर करू शकतात. SBI ने या नवीन सुविधेचे नाव Video Life Certificate Service असे ठेवलेय. SBI ने सांगितले की, व्हिडीओ लाईफ सर्टिफिकेट सेवा ही एक सोपी आणि सुरक्षित पेपरलेस आणि मोफत सुविधा आहे. यामध्ये पेन्शनधारकाला नोंदणीकृत मोबाईल क्रमांक आणि पॅन कार्ड आवश्यक असेल, यासाठी निवृत्तीवेतनधारकांना अधिकृत वेबसाईट https://www.pensionseva.sbi/ ला भेट द्यावी लागेल. त्यानंतर ड्रॉप डाऊनमधून ‘व्हिडीओ एलसी’ निवडल्यानंतर तुमचा एसबीआय पेन्शन खाते क्रमांक प्रविष्ट करा. यानंतर पेन्शनधारकाच्या नोंदणीकृत मोबाईल क्रमांकावर प्राप्त झालेला ओटीपी सबमिट करा. त्यानंतर नियम आणि अटी स्वीकारा आणि ‘स्टार्ट जर्नी’ वर क्लिक करा.

पॅन कार्ड आवश्यक असेल

व्हिडीओ कॉलदरम्यान पॅन कार्ड तयार ठेवल्यानंतर, ‘I am Ready’ वर क्लिक करा. व्हिडीओ कॉल सुरू करण्यासाठी कॅमेरा, मायक्रोफोन आणि स्थानाशी संबंधित परवानग्या द्या. SBI अधिकारी व्हिडीओ कॉलवर येईल. आपण इच्छित असल्यास आपण आपल्या सोयीनुसार व्हिडीओ कॉल शेड्युल करू शकता. व्हिडीओ कॉल सुरू झाल्यावर पेन्शनधारकाला पडताळणी कोड मिळेल. हे SBI अधिकाऱ्याला सांगा. व्हिडीओ कॉलवर तुमचे पॅन कार्ड दाखवा. एसबीआयचे अधिकारी ते ताब्यात घेतील. एसबीआय अधिकारी पेन्शनधारकाचा फोटोही काढतील, त्यानंतर ही प्रक्रिया पूर्ण होईल.

पेन्शनधारकांना येथे नोंदणी करावी लागेल

एसबीआयने पेन्शनधारकांसाठी खास वेबसाईटही तयार केलीय. पेन्शनधारकाला या वेबसाईटवर प्रथम नोंदणी करावी लागेल. त्यानंतर ते सहजपणे लॉगिन करून वापरता येते. या वेबसाईटमुळे ज्येष्ठ नागरिकांसाठी पेन्शनशी संबंधित अनेक कामे सुलभ होणार आहेत. वेबसाईटद्वारे वापरकर्ते थकबाकी गणना पत्रक डाऊनलोड करू शकतात. तुम्ही वेबसाईटद्वारे पेन्शन स्लिप किंवा फॉर्म-16 देखील डाऊनलोड करू शकता. याशिवाय पेन्शन प्रोफाइल तपशील, गुंतवणुकीची माहिती आणि जीवन प्रमाणपत्राची स्थिती देखील तपासली जाऊ शकते. बँकेत केलेल्या व्यवहारांची माहितीही या वेबसाइटच्या माध्यमातून उपलब्ध होणार आहे.

संबंधित बातम्या

छठपूजेच्या निमित्ताने सरकारी कर्मचाऱ्यांना खूशखबर! डीएमध्ये 9 टक्के वाढ, कोणाला फायदा?

टाटा मोटर्सचा बँक ऑफ इंडियासोबत वाहन वित्तविषयक करार, ग्राहकांना मिळणार जबरदस्त सुविधा