ग्राहकांकडून पेमेंट घ्या किंवा बँकेकडून व्यवसायाचे कर्ज घ्या, सर्व कामे आता एकाच अॅपवर
मोबाईल अॅपच्या नवीन वैशिष्ट्याबद्दल बोलताना इंडसइंड बँकेच्या ग्राहक बँकेचे प्रमुख सौमित्र सेन म्हणाले, “आमचा नेहमीच विश्वास आहे की, स्वयंरोजगार हा भारतीय अर्थव्यवस्थेतील सर्वात महत्त्वाचा भाग आहे. हा विचार लक्षात घेऊन 'इंडस मर्चंट सोल्युशन्स' अॅप सादर करताना आम्हाला आनंद होत आहे.
नवी दिल्लीः इंडसइंड बँकेने बुधवारी ‘इंडस मर्चंट सोल्युशन्स’ हे एक प्रकारचे मोबाईल अॅप लॉन्च करण्याची घोषणा केलीय. हे मोबाईल अॅप्लिकेशन व्यापारी, किरकोळ विक्रेते आणि व्यावसायिकांना एकाच प्लॅटफॉर्मवर डिजिटल बँकिंग पेमेंट करण्यास मदत करेल. मोबाईल अॅप व्यापारी आणि किरकोळ विक्रेत्यांना विविध व्यवसाय संबंधित कामे करण्यास मदत करेल, जसे की मोबाईल फोनवर ग्राहकांकडून डिजिटल पद्धतीने त्वरित कॅशलेस पेमेंट प्राप्त करणे, इन-बिल्ट डॅशबोर्डद्वारे इन्व्हेंटरी ट्रॅक करणे, कार्ड आधारित पेमेंट प्राप्त करणे. विशिष्ट पॉइंट ऑफ सेलसाठी अर्ज करण्यासाठी (PoS) तसेच बँकेच्या शाखेत न जाता लघु व्यवसाय कर्ज बँकेकडून पूर्णपणे डिजिटल आणि पेपरलेस पद्धतीने घेतले जाऊ शकते.
चालू खातेदार ‘इंडस मर्चंट सोल्युशन्स’ अॅप त्वरित डाऊनलोड करू शकतो
‘इंडस मर्चंट सोल्युशन्स’ अॅपसाठी चालू खाते असणे आवश्यक आहे. म्हणजेच इंडसइंड बँकेचा कोणताही चालू खातेदार ‘इंडस मर्चंट सोल्युशन्स’ अॅप त्वरित डाऊनलोड करू शकतो आणि त्याचा वापर सुरू करू शकतो. जर तुमच्याकडे चालू खाते नसेल आणि तुम्हाला या मोबाईल अॅपची सुविधा घ्यायची असेल, तर तुम्ही डिजिटल प्रक्रियेद्वारे इंडसइंड बँकेत चालू खाते उघडू शकता. एकदा तुम्ही हे खाते उघडल्यानंतर तुमची व्यापारी म्हणून बँकेत नोंदणी केली जाईल आणि हे विशेष मोबाईल अॅप वापरणे सुरू करू शकता. सध्या हे अॅप (इंडस मर्चंट सोल्युशन्स) अँड्रॉईड ऑपरेटिंग सिस्टम असलेल्या स्मार्टफोन्सवर उपलब्ध आहे. iOS ऑपरेटिंग सिस्टीम वापरणाऱ्या स्मार्टफोनसाठीही लवकरच उपलब्ध होईल.
बँकेत न जाता सर्व कामे होणार
मोबाईल अॅपच्या नवीन वैशिष्ट्याबद्दल बोलताना इंडसइंड बँकेच्या ग्राहक बँकेचे प्रमुख सौमित्र सेन म्हणाले, “आमचा नेहमीच विश्वास आहे की, स्वयंरोजगार हा भारतीय अर्थव्यवस्थेतील सर्वात महत्त्वाचा भाग आहे. हा विचार लक्षात घेऊन ‘इंडस मर्चंट सोल्युशन्स’ अॅप सादर करताना आम्हाला आनंद होत आहे. लाखो व्यापारी, किरकोळ विक्रेते आणि व्यावसायिकांना कोणत्याही बँकेच्या शाखेला भेट न देता त्यांच्या बँकिंग गरजा पूर्ण करण्यासाठी सक्षम करण्याचे उद्दिष्ट आहे. ऑनलाईन व्यवहार करण्यास प्राधान्य देणाऱ्या व्यापाऱ्यांच्या तसेच ग्राहकांच्या संख्येत झपाट्याने होत असलेली वाढ लक्षात घेता इंडस मर्चंट सोल्युशन्स हे असेच एक वैशिष्ट्य आहे, जे व्यापार्‍याशी जोडण्याच्या सोयींमध्ये लक्षणीय सुधारणा करेल. तसेच पुढील दोन महिन्यांत आमचे व्यापारी टच पॉइंट्स अनेक पटींनी वाढविण्यात आम्हाला मदत होईल.
डिजिटल पेमेंटला प्रोत्साहन देणे हे उद्दिष्ट
IndusInd Bank चे चारू माथूर म्हणाले, “IndusInd Bank मध्ये डिजिटल अर्थव्यवस्थेच्या संक्रमणाला गती देणारी नावीन्यपूर्ण वैशिष्ट्ये आणण्याचा आमचा सतत प्रयत्न आहे. इंडस मर्चंट सोल्युशन्स हे त्याच दिशेने आणखी एक पाऊल आहे, जे देशभरातील व्यापारी, किरकोळ विक्रेते आणि व्यावसायिकांना त्यांच्या आर्थिक गरजा पेमेंट, ठेव आणि कर्ज उत्पादनांमध्ये पूर्णत: डिजिटल पद्धतीने पूर्ण करण्यात मदत करेल. यामुळे व्यापाऱ्यांना एकसमान व्यासपीठ मिळेल, जिथे ते एकाच वेळी अनेक कामे पूर्ण करू शकतील. चारू माथूर म्हणाले, “आमच्या ग्राहकांना सुरळीत बँकिंग अनुभव प्रदान करू शकतील, अशा अधिक उत्पादने आणि सेवा निर्माण करण्याचे आमचे ध्येय आहे.”
इंडस मर्चंट सोल्युशन्सची वैशिष्ट्ये
सिंगल व्ह्यू डॅशबोर्ड: व्यापारी आणि किरकोळ विक्रेत्यांना एकाच प्लॅटफॉर्मवर पेमेंट पाहणे, गोळा करणे आणि टॅली करणे सक्षम करते पेमेंट व्यवस्थापन: व्यापारी कधीही, कुठेही अनेक मार्गांनी डिजिटल पेमेंट स्वीकारू शकतात
होम डिलिव्हरीसाठी लागू: इंडस मर्चंट सोल्युशन्स रिटेल स्टोअरसाठी योग्य आहे, जेथे खरेदीदार काऊंटरवर पेमेंट करतो. हे होम डिलिव्हरी दरम्यान खरेदीदाराकडून पेमेंट गोळा करण्यासाठी तसेच विक्रेता आणि खरेदीदार एकाच ठिकाणी नसलेल्या पेमेंट ऑन डिलिव्हरीसाठी देखील वापरले जाऊ शकते.
एकत्रित बँकिंग प्लॅटफॉर्म: व्यापाऱ्याने किती कर्ज घेतले किंवा बँकेत किती पैसे जमा केले, ही सर्व माहिती एकाच ठिकाणी मिळेल.
कर्ज सुविधा: व्यापारी बँकेच्या शाखेत न जाता आणि या मोबाईल अॅपद्वारे सहजपणे लहान व्यवसाय कर्ज घेऊ शकतात
सेवेसाठी ऑनलाईन विनंती: व्यापाऱ्यांना कोणतीही नवीन सुविधा हवी असल्यास किंवा कोणत्याही सुविधेबाबत विनंती करायची असल्यास हे मोबाईल अॅप वापरू शकतात. तुम्ही चेकबुक, डेबिट कार्ड रीसेट पिन इत्यादी सुविधा घेऊ शकणार नाही. इंडस मर्चंट सोल्युशन्स अॅपमध्ये सध्या त्याची डीफॉल्ट यूजर इंटरफेस भाषा म्हणून इंग्रजी आहे, परंतु लवकरच हिंदी, मराठी, बंगाली, गुजराती, तेलुगु, तमीळ, कन्नड, मल्याळम, पंजाबी आणि बरेच काही यांसारख्या अनेक भाषांमध्ये उपलब्ध केले जाणार आहे.
संबंधित बातम्या
सलग दुसऱ्या दिवशी बाजार घसरला, सेन्सेक्स 314 अंकांच्या घसरणीसह बंद
आता देशात वीज महागणार; सरकारच्या नव्या नियमाचा काय परिणाम?, जाणून घ्या
