डीजीसीएने अडीच वर्षांनंतर हटवली बोईंग 737 मॅक्स विमानांवरील बंदी, या भारतीय विमान कंपनीला होईल थेट फायदा

अहवालानुसार स्पाइसजेटने सुमारे 100 च्या आसपास 737 MAX विमानांची मागणी दिली आहे. ही बंदी उठवल्यानंतर बोईंगने एक निवेदन जारी केले की, लवकरच आपली विमाने उडतील. असे मानले जाते की सप्टेंबरच्या अखेरीपासून पुन्हा एकदा बोईंग 737 MAX विमाने देशात उड्डाण करतील.

डीजीसीएने अडीच वर्षांनंतर हटवली बोईंग 737 मॅक्स विमानांवरील बंदी, या भारतीय विमान कंपनीला होईल थेट फायदा
डीजीसीएने अडीच वर्षांनंतर हटवली बोईंग 737 मॅक्स विमानांवरील बंदी

नवी दिल्ली : देशातील विमान नियामक डीजीसीएने गुरुवारी सुमारे अडीच वर्षांनंतर बोईंग 737 मॅक्स विमानांच्या व्यावसायिक संचालनावरील बंदी उठवली. नागरी उड्डयन महासंचालनालयाने (DGCA) 10 मार्च रोजी अदिस अबाबाजवळ इथिओपियन एअरलाइन्स 737 MAX विमान दुर्घटनाग्रस्त झाल्यानंतर 13 मार्च 2019 रोजी सर्व बोईंग 737 MAX विमानांवर बंदी घातली होती. या अपघातात 157 लोकांचा मृत्यू झाला होता. (The DGCA lifted the ban on Boeing 737 Max aircraft after two and a half years)

विमान निर्माता कंपनी बोईंग मार्च 2019 पासून 737-मॅक्स विमानात बदल करत आहे जेणेकरून डीजीसीएसह विविध देशांचे नियामक प्रवासी उड्डाण सेवेला पुन्हा परवानगी देतील. डीजीसीएने 26 ऑगस्ट 2021 च्या आदेशात म्हटले आहे की बोईंग 737 मॅक्स एअरलाईनला काम करण्याची परवानगी आहे. ही परवानगी सेवा सुरू करण्याची आवश्यकता पूर्ण करण्यावर अवलंबून आहे. नागरी हवाई वाहतूक महासंचालनालयाच्या एका वरिष्ठ अधिकाऱ्याने 737 MAX विमानांच्या व्यावसायिक उड्डाणांवरील बंदी उठवल्याची पुष्टी केली आहे.

स्पाइसजेटकडे 12 बोईंग 737 विमाने आहेत

सध्या फक्त स्पाइसजेट विमान कंपनीच्या ताफ्यात बोईंग-737 विमाने आहेत. भारतातील इतर कोणत्याही विमान कंपनीकडे मॅक्स विमानं नाहीत. डीजीसीएच्या आदेशानंतर स्पाइसजेटला 12 मॅक्स विमानांचे व्यावसायिक संचालन स्थगित करावे लागले.

स्पाइसजेट आपल्या ताफ्यात 100 मॅक्स विमाने सहभागी करणार

अहवालानुसार स्पाइसजेटने सुमारे 100 च्या आसपास 737 MAX विमानांची मागणी दिली आहे. ही बंदी उठवल्यानंतर बोईंगने एक निवेदन जारी केले की, लवकरच आपली विमाने उडतील. असे मानले जाते की सप्टेंबरच्या अखेरीपासून पुन्हा एकदा बोईंग 737 MAX विमाने देशात उड्डाण करतील. 175 देशांनी या विमानाच्या संचालनाला पुन्हा मंजुरी दिली आहे. 30 विमान कंपन्यांनी पुन्हा आपली सेवा सुरू केली आहे. आतापर्यंत कंपनीला चिनी नियामककडून मान्यता मिळालेली नाही. गेल्या महिन्यात कंपनीने चीनमध्ये 737 MAX विमानाची चाचणी केली.

जेट एअरवेजकडे 5 मॅक्स विमाने होती

जेट एअरवेजच्या ताफ्यात पाच मॅक्स विमाने होती. तथापि, विमान लीजर्सची देय रक्कम न भरल्यामुळे 13 मार्च 2019 पूर्वी या विमानांचे कामकाज बंद करण्यात आले. एका महिन्यानंतर, जेट एअरवेजने निधीअभावी संचलन बंद केले. (The DGCA lifted the ban on Boeing 737 Max aircraft after two and a half years)

इतर बातम्या

VIDEO : ’21 वर्ष काम करुन वेतन नाही’, प्राध्यापकाच्या पत्नीचं पुण्यात शिक्षण संचालक कार्यालयाबाहेर श्राद्ध घालत आंदोलन

Peepal Puja Remedies : पिंपळाची पूजा करण्याचा उत्तम उपाय, जो पूर्ण होताच सर्व इच्छा होतात पूर्ण

Read Full Article

Click on your DTH Provider to Add TV9 MARATHI