अटल पेन्शन सुरू करण्याचा सर्वात सोपा मार्ग; आधार e-KYC सह ऑनलाईन खाते उघडा अन् घरबसल्या कमवा

नवी दिल्लीः अटल पेन्शन योजने (APY) ची सुविधा घेणार्‍यांसाठी किंवा त्यात खाते उघडणार्‍यांसाठी आनंदाची बातमी आहे. पेन्शन फंड रेग्युलेटरी अँड डेव्हलपमेंट अथॉरिटी ऑफ इंडिया (PFRDA), अटल पेन्शन योजना चालवणारी सरकारी संस्था हे काम आता ऑनलाईनही करता येईल, असे म्हटले आहे. अटल पेन्शन योजना सुरू करण्यासाठी आतापर्यंत एकतर स्वत: बँकांमध्ये जावे लागेल, नेट बँकिंगमध्ये सामील व्हावे लागेल किंवा इतर कोणत्याही डिजिटल पद्धतीचा अवलंब करावा लागेल. पण आता पीएफआरडीएने त्यात आणखी एका मोठ्या सुविधेची भर घातली.

कोणतीही व्यक्ती आधार eKYC मध्ये सामील होऊ शकते

PFRDA ने आपल्या प्रक्रियेत मोठा बदल केलाय, जेणेकरून अटल पेन्शन योजनेचा लाभ जास्तीत जास्त लोकांपर्यंत पोहोचू शकेल आणि अधिकाधिक लोक त्यात सामील होऊ शकतील. अटल पेन्शन योजना सुरू करण्यासाठी, कोणतीही व्यक्ती आधार eKYC मध्ये सामील होऊ शकते. पूर्वी ही सुविधा नव्हती. ही सुविधा पूर्णपणे पेपरलेस असेल. केवायसी सुरू करण्यासाठी कोणत्याही कागदपत्रांची आवश्यकता नाही. हे सर्व काम XML आधारित प्रणालीद्वारे केले जाणार आहे. PFRDA ने 27 ऑक्टोबर रोजी याची घोषणा केली.

आधार e-KYC सह खाते कसे उघडावे?

पीएफआरडीएच्या परिपत्रकानुसार, जर एखाद्या व्यक्तीला आधारसोबत ई-केवायसी करायचे असेल, तर त्याला त्याचा आधार क्रमांक लिंक करून ऑनलाइन पडताळणी करावी लागेल. ई-केवायसीद्वारे, अटल पेन्शनचे खातेदार थेट सेंट्रल रेकॉर्ड कीपिंग एजन्सीशी जोडले जातील. पूर्वी उपलब्ध असलेल्या सुविधांपेक्षा ही एक अतिरिक्त सुविधा असेल. म्हणजेच जर एखाद्या व्यक्तीला ई-केवायसीशिवाय अटल पेन्शन योजनेत सामील व्हायचे असेल, तर त्याला कोणताही अडथळा नाही. PFRDA नुसार, सर्व अटल पेन्शन योजनांची खाती आधारशी जोडली जाणार आहेत आणि त्यासाठी केंद्रीय रेकॉर्ड कीपिंग एजन्सी ग्राहकांना सुविधा पुरवते. आधार क्रमांक लिंक करण्यासाठी ऑफलाईन आणि ऑनलाईन दोन्ही पद्धती आहेत.

तुम्हाला किती पेन्शन मिळेल?

वयाच्या 18 व्या वर्षी जर एखाद्या व्यक्तीने 42 वर्षे दरमहा 42 रुपये जमा केले, तर त्याला 1000 रुपये पेन्शन मिळेल. योजनेदरम्यान खातेदाराचा मृत्यू झाल्यास, नॉमिनीला 1.7 लाख रुपये मिळतील. त्याच 18 वर्षांच्या व्यक्तीने 42 वर्षांपर्यंत प्रत्येक महिन्याला 84 रुपये जमा केल्यास त्याला दरमहा 2000 रुपये पेन्शन मिळेल. या कालावधीत खातेदारांनी जग सोडल्यास नॉमिनीला 3.4 लाख रुपये मिळतील. जर 18 वर्षांच्या ग्राहकाने 42 महिन्यांसाठी दरमहा 126 रुपये जमा केले तर त्याला दरमहा 3000 रुपये पेन्शन मिळेल. खातेधारकाचा अकाली मृत्यू झाल्यास नॉमिनीला 5.1 लाख रुपये मिळतील. जर 18 वर्षांच्या ग्राहकाने 42 महिन्यांसाठी दरमहा 168 रुपये योगदान दिले तर त्याला 4000 रुपये पेन्शन मिळेल. त्यांच्या मृत्यूनंतर त्यांना 6.8 लाख रुपये पेन्शन मिळणार आहे. त्याच 18 वर्षांच्या ग्राहकाने 42 महिन्यांसाठी दरमहा 210 रुपये जमा केल्यास त्याला 5000 रुपये पेन्शन मिळेल. अकाली मृत्यू झाल्यास, त्याच्या नॉमिनीला 8.5 लाख रुपये मिळतील.

APY ची वैशिष्ट्ये

अटल पेन्शन योजनेत खातेदाराला दरमहा किमान 42 रुपये आणि कमाल 210 रुपये जमा करावे लागतात. याचा अर्थ असा की, जर एखाद्या खातेदाराने दरमहा 42 रुपये देखील जमा केले तर त्याला 60 वर्षांनंतर 1,000 रुपये पेन्शन मिळेल. त्याचप्रमाणे जर एखाद्या व्यक्तीने दरमहा 210 रुपये जमा केले तर त्याला 60 वर्षांनंतर 5,000 रुपये पेन्शन मिळेल. 18 वर्षे ते 40 वयोगटातील कोणताही भारतीय नागरिक या योजनेत सामील होऊ शकतो आणि वृद्धापकाळ निवृत्ती वेतनासाठी योगदानाची रक्कम जमा करू शकतो. सरकार या योजनेंतर्गत ठेवीदारांना निश्चित पेन्शन हमी देते कारण कमी पैसे जमा केल्यानंतरही तुम्हाला दर महिन्याला निश्चित उत्पन्न मिळू शकते.

संबंधित बातम्या

मोदी सरकारचा मोठा उपक्रम! महिलांचे उत्पन्न वाढवण्यासाठी खास योजना, एक लाखापर्यंत कमाई

RBI ने चालू खात्याबाबत बँकांचे नियम बदलले, जाणून घ्या