झटपट कर्जाच्या नावाखाली फसवणूक करतात हे 10 लोन ॲप्स, जाणून घ्या

झटपट कर्जाच्या आमिषाला बळी पडून काही बनावट ॲप्स डाउनलोड केल्याने तुमची सुरक्षा धोक्यात येऊ शकते. सायबर दोस्तने 10 बनावट लोन ॲप्सची नावे उघड केली आहेत आणि सुरक्षित राहण्यासाठी काही उपयुक्त टिप्सही दिल्या आहेत. चला आजच्या लेखात याबद्दल जाणून घेऊयात.

Loan App

स्नेहल. चं. मेंगळ | Edited By: भीमराव गवळी | Updated on: May 28, 2026 | 5:08 PM

पैशांची गरज कधी कोणाला कुठे कशी लागेल काही सांगता येत नाही. मग ते नवीन घर घेणे असो वा गाडी प्रत्येकजण 10 मिनिटांत इन्स्टंट कर्ज मिळवण्याचा पर्याय शोधत असतात. कधीकधी सोशल मीडियावर स्क्रोल करत असताना आपल्याला असे एखादे ॲप दिसते जे जलद आणि सोपे कर्ज देण्याचा दावा करते. तसेच त्यांच्या आकर्षक जाहिराती कोणत्याही देवदुतापेक्षा कमी वाटत नाहीत. अशातच आपण कोणताही विचार न करता ते ॲप डाउनलोड करतो. ज्यात फसवे लोक तुमच्या गरजेचा फायदा घेण्यासाठी जाळे टाकून बसलेले असतात. पण आपली ही छोटीशी चूक फसवणूक करणाऱ्यांच्या जाळ्यात अडकवते. अलीकडेच सायबर दोस्तने एक पोस्ट शेअर केली आहे. ज्यामध्ये काही बनावट कर्ज ॲप्सची नावे नमूद केली आहेत, जे एनबीएफसीच्या (NBFC) नावाखाली लोकांना टार्गेट करत आहेत. चला तर फसवणूकीपासून वाचण्यासाठी बनावट कर्ज ॲप्सची नावे जाणून घेऊयात.

सायबर दोस्त (गृह मंत्रालयाच्या अंतर्गत) झटपट कर्ज देण्याचा दावा करणारे ॲप्स डाउनलोड करणे महागात पडू शकते. हे ॲप्स लोकांना आकर्षक ऑफर्सचे आमिष दाखवतात आणि नंतर त्यांची वैयक्तिक माहिती, संपर्क आणि आर्थिक तपशिलांचा गैरवापर करून आर्थिक नुकसान करतात. सायबर दोस्तने लोकांना लक्ष्य करणाऱ्या एक-दोन नव्हे, तर तब्बल 10 बनावट कर्ज ॲप्सची नावे उघड केली आहेत.

1. सफलस्कोर सुलभ कर्ज (SafalScore Easy Loan)

2.फिनक्युअर क्रेडिट असिस्टंट (FinCure Credit Assistant)

3. फ्लेक्सीलोन ईएमआय (FlexiLoanEMI)

4. इझीक्रेडिटचेक (EasyCreditCheck)

5. फिनमोना वैयक्तिक क्रेडिट (FinMona Personal Credit)

6. धनाश्री सल्ला (DhanaShree Salah)

7. रुपीजार ॲसेट ॲक्सेस (RupeeJar Asset Access)

8. एस लार्ज क्विक लोन असिस्टंट (S Large Quick Loan Assistant)

9. लोन ब्लूम (Loan Bloom)

10. ब्रिओ क्रेडिट क्रेडिट असिस्टंट (Brio Credit Credit Assistant)

सुरक्षित राहण्यासाठी टिप्स

कोणतेही कर्ज ॲप डाउनलोड करण्यापूर्वी त्या ॲपची सत्यता पडताळून पाहणे महत्त्वाचे आहे.

आरबीआयच्या अधिकृत NBFC यादीमध्ये कंपनीचे नाव नक्की तपासा.

लोक ॲपला देत असलेल्या प्रतिक्रिया आणि ॲपने मागितलेल्या परवानग्यांकडे नक्की लक्ष द्या.

लक्षात ठेवा की प्रत्येक सुलभ कर्ज सुरक्षित नसते पडताळणी आवश्यक आहे..

फसवणूक झाल्यास काय करावे?

सायबर दोस्तकडून सल्ला देण्यात आला आहे की जर कोणी सायबर फसवणुकीचा बळी ठरले असेल तर त्या व्यक्तीने तात्काळ 1930 वर फोन करावा किंवा http://cybercrime.gov.in वर जाऊन आपल्यासोबत घडलेल्या घटनेबद्दल तक्रार नोंदवावी.