Multibagger Stock : रेल्वे सेक्टरमधील या शेअरची कामगिरी दमदार, 1 लाख झाले 12.30 लाख

नवी दिल्ली : मोदी सरकारने गेल्या काही वर्षांपासून रेल्वे सेक्टरमध्ये अनेक विकास योजना राबविल्या आहेत. देशात अतिजलद रेल्वेचे युग अवतरत आहे. बुलेट ट्रेन येऊ घातली आहे. नवीन रेल्वे रुळाचे जाळे, विद्युतीकरणाचे काम झपाट्याने होत आहे. त्यामुळे या सेक्टरशी संबंधित सर्वच कंपन्यांना मोठ्या कार्यादेश, वर्कऑर्डर मिळत असून या कंपन्या फायद्यात आहेत. यामधील एका कंपनीच्या शेअरने (Share) सध्या कमाल केली आहे. या शेअरमध्ये मोठी तेजी दिसून आली. या शेअरमध्ये गुंतवणूक करणाऱ्यांचा मोठा फायदा झाला आहे. रेल्वे वॅगन तयार करणाऱ्या या कंपनीचा शेअर 1100% वधारला आहे. रेल्वेचा विस्तार आणि वंदे भारत ट्रेन सुरु झाल्यापासून या कंपनीचा भविष्यकाळ जोरदार असल्याची चर्चा आहे.

तीनच वर्षातच छप्परफाड कमाई जुपिटर वॅगन लिमिटेडने (Jupiter Wagons) ही कमाल केली आहे. या शेअरने 3 वर्षांतच 1100 टक्के परतावा दिला आहे. हा शेअर मल्टिबॅगर शेअर ठरला आहे. या शेअरमध्ये 1 लाख रुपयांच्या गुंतवणुकीवर 12.30 लाख रुपयांचा परतावा मिळाला आहे.

कशी बदलली या शेअरची चाल जुपिटर वॅगन लिमिटेडचा शेअर 3 वर्षांपूर्वी 22 जून 2020 रोजी 13.15 रुपयांचा होता. या आठवड्यात या कंपनीचा शेअर 52 आठवड्यांच्या उच्चांकावर 161.60 रुपयांवर पोहचला. अवघ्या 3 वर्षांत या कंपनीच्या शेअरने 1130 टक्क्यांची उसळी घेतली आहे. या कंपनीच्या शेअरमध्ये एक लाख रुपयांची गुंतवणूक करणाऱ्यांना त्यावेळी जवळपास 7,605 शेअर खरेदी करता आले असते. सध्या कंपनीच्या उच्चांकी भरारी आधारे ही गुंतवणूक आता 12.30 लाख रुपयांच्या घरात पोहचली असती.

कंपनीची जोरदार कामगिरी जुपिटर वॅगनने जोरदार कामगिरी बजावली आहे. त्यामुळे अनेक गुंतवणूकदारांना हा शेअर खरेदी न केल्याचे दुःख होत आहे. अवघ्या एकाच वर्षात या कंपनीचा हा शेअर झरझर वर चढला आहे. एका वर्षातच या कंपनीने प्रति शेअर 109.80 रुपये म्हणजे 238.70 टक्क्यांचा नफा नोंदवला आहे. एक वर्षांपूर्वी या शेअरचा भाव जवळपास 65 रुपये होता. एकाच महिन्यात या शेअरमुळे गुंतवणूकदारांना 36.05 टक्क्यांचा परतावा मिळाला.

आर्थिक बाजू सक्षम जुपिटर वॅगन्सचे बाजारातील भांडवल 6,222 कोटी रुपये आहे. गेल्या 5 वर्षांत या कंपनीचा नफा सातत्याने वाढत आहे. वर्ष 2019 मध्ये कंपनीचा नफा 216 कोटी रुपये होता. तर 2023 मध्ये हा नफा थेट 2,068 कोटी रुपयांवर पोहचला. कंपनीने केलेला हा मोठा रेकॉर्ड आहे.

काय करते कंपनी जुपिटर वॅगन्स ही रेल्वे वॅगन्स, पॅसेंजर कोच, वॅगन कंपोनेंट आणि कास्टिंगची निर्मिती करते. ही कंपनी भारतीय रेल्वेसाठी वॅगन, हाय-स्पीड पॅसेंजर, बोगी आदी काम करते. रेल्वेचा विस्तार आणि वंदे भारत ट्रेन सुरु झाल्यापासून या कंपनीचा भविष्यकाळ जोरदार असल्याची चर्चा आहे.

हा कोणताही गुंतवणुकीचा सल्ला नाही. शेअरच्या कामगिरीची माहिती आहे. गुंतवणूकदारांनी अभ्यास करुन तज्ज्ञांच्या सल्ल्यानुसारच गुंतवणूक करावी.