Mutual Fund : 17 वर्षांत या म्युच्युअल फंडचा जबरदस्त परतावा, प्रति माह 10 हजारांचे झाले 70 लाख
Mutual Fund : Mutual Fund मधील गुंतवणुकीने जोरदार परतावा दिला..
नवी दिल्ली : Kotak Tax Saver Mutual Fund हा तीन वर्षांचा लॉक-इन कालावधीचा आहे. गुंतवणूकदारांना यातंर्गत कलम 80सी नुसार कर सवलत (Tax Benefit) मिळते. हा एक ओपन-एंडेड ईएलएसएस फंड आहे. या फंडमध्ये दीर्घकालीन गुंतवणूक करणाऱ्या गुंतवणूकदारांना मोठा फायदा झाला आहे. 17 वर्षांत या म्युच्युअल फंडने जबरदस्त परतावा दिला आहे.
या फंडची सुरुवात 23 नोव्हेंबर, 2005 रोजी झाली होती. या फंडला आता 17 वर्षे पूर्ण झाली आहेत. जर एखाद्या गुंतवणूकदाराने या फंडमध्ये 10 हजार रुपयांची एसआयपी (Mutual Fund SIP) सुरु केली असती तर 13.27 टक्के सीएजीआरमधून त्याला 70 लाख रुपये मिळाले असते.
जर गुंतवणूकदाराने 10,000 रुपये मासिक एसआयपीच्या माध्यमातून एक वर्षे गुंतणूक केली असती तर, त्याला एकूण 1.20 लाख रुपयांहून 1.28 लाख रुपये मिळाले असते. या फंडने SIP च्या माध्यमातून 14.06 टक्क्यांचा परतावा दिला आहे.
या फंडने गेल्या तीन वर्षांमध्ये 22.54 टक्क्यांचा वार्षिक परतावा दिला आहे. अशात तुम्ही 10 हजार रुपयांची मासिक एसआयपीच्या हिशोबाने 3.60 लाख रुपये गुंतविले असते. तुमची रक्कम तीन वर्षांत 4.99 लाख रुपये झाली असती.
या फंडने गेल्या पाच वर्षांत 17.74 टक्क्यांचा वार्षिक परतावा दिला आहे. त्यामुळे एखाद्या गुंतवणूकदाराने 5 वर्षांपर्यंत 10 हजार रुपयांच्या मासिक गुंतवणूक केली असती तर त्याने एकूण 6 लाख रुपयांची गुंतवणूक केली असती. त्याला 9.33 लाखांचा परतावा मिळाला असता.
या फंडने गेल्या सात वर्षांत 15.89 टक्के वार्षिक SIP परतावा दिला आहे. सात वर्षांत दहा हजार रुपयांच्या आधारे 8.40 लाख रुपये जमा झाले असता आणि 14.79 लाख रुपयांचा परतावा मिळाला असता.
17 वर्षे सलग दहा हजार रुपये प्रत्येक महिन्याला एसआयपीद्वारे या फंडमध्ये गुंतविले असते तर 20.40 लाख रुपये जमा झाले असते. त्याबदल्यात गुंतवणूकदारांना आता 70.84 लाख रुपयांचा परतावा मिळाला असता.
