बँक खात्यातून पैसे चोरल्यास काय करावे, जाणून घ्या संपूर्ण रक्कम परत कशी मिळवायची?
उलट कोरोना कालावधीत ऑनलाईन फसवणूक वेगाने वाढलीय. खात्यातील सर्व माहिती काढून हॅकर्स खात्यातून पैसे लंपास करत आहेत.
नवी दिल्ली : जग जितके वेगानं डिजिटल होत चालले आहे, तस तशा ऑनलाईन फसवणुकीच्या घटनाही वाढत आहेत. बहुतेक बँकिंग घोटाळ्याची प्रकरणे चर्चेत आहेत. उलट कोरोना कालावधीत ऑनलाईन फसवणूक वेगाने वाढलीय. खात्यातील सर्व माहिती काढून हॅकर्स खात्यातून पैसे लंपास करत आहेत. (What To Do If Someone Stole Money From Yours Bank Account, How To Returns Know More)
बँका आणि आरबीआय सतत आपल्या ग्राहकांना सतर्क करत आहे. कोणत्याही प्रकारची माहिती किंवा ओटीपी सामायिक करणे टाळण्याचा सल्ला देण्यात आलाय. यासह ऑनलाईन कोणत्याही प्रकारची फसवणूक झाल्यास त्वरित बँकेला कळविण्याचा सल्ला बँकांनी दिलाय. तातडीने सूचना देऊन आपण आपले नुकसान कमी करू शकता. चला त्याबद्दल जाणून घेऊया.
पूर्ण पैसे परत कसे मिळवायचे?
आता बहुतेक लोकांच्या मनात असा प्रश्न पडतो की, जर असा व्यवहार झाला असेल तर पैसे परत कसे मिळतील?, तसेच जर आपण बँक खात्यातून पैसे काढल्याबद्दल तक्रार केली तर बँक कोठून पैसे परत करेल. वास्तविक अशा प्रकारच्या सायबर फसवणुकीचा विचार करून विमा पॉलिसी बँक देते. आपल्याशी झालेल्या फसवणुकीची सर्व माहिती बँक थेट विमा कंपनीला सांगेल आणि तेथून विमा पैसे घेऊन आपल्या नुकसानीची भरपाई करेल. सायबर फसवणूक टाळण्यासाठी विमा कंपन्या लोकांना थेट कव्हरेज देत आहेत.
फसवणुकीची 3 दिवसांच्या आत तक्रार करणे आवश्यक
जर कोणी आपल्या बँक खात्यातून चुकून पैसे काढले आणि आपण या प्रकरणात तीन दिवसांत बँकेत तक्रार केली तर आपल्याला हे नुकसान सहन करावे लागणार नाही. आरबीआयने असेही म्हटले आहे की, ग्राहकांच्या खात्यातून फसव्या पद्धतीने काढलेली रक्कम निश्चित वेळेत बँकेला कळविल्यानंतर 10 दिवसांच्या आत त्याच्या बँक खात्यावर परत केली जाईल. जर 4 ते 7 दिवसांनंतर बँक खात्यात फसवणूक झाल्याची नोंद झाली तर ग्राहकाला 25,000 रुपयांपर्यंतचे नुकसान सहन करावे लागेल, असंही आरबीआयने सांगितलंय.
तुम्हाला किती पैसे परत मिळतील?
जर बँक खाते मूलभूत बचत बँकिंग ठेव खाते म्हणजेच शून्य शिल्लक खाते असेल तर आपले उत्तरदायित्व 5000 रुपयांपर्यंत असू शकते. म्हणजेच जर तुमच्या बँक खात्यातून 10,000 रुपयांचा अनधिकृत व्यवहार झाला तर तुम्हाला बँकेतून फक्त 5000 रुपये परत मिळतील. उर्वरित 5000 रुपयांचे नुकसान तुम्हाला सहन करावे लागेल.
बचत खात्यावर कोणते नियम आहेत?
जर तुमचे बचत खाते असेल आणि तुमच्या खात्यातून अनधिकृत व्यवहार झाले असतील तर तुमची जबाबदारी 10000 रुपये असेल. म्हणजेच जर तुमच्या खात्यातून 20,000 रुपयांचा अनधिकृत व्यवहार झाला असेल तर तुम्हाला बँकेतून फक्त 10000 रुपये परत मिळतील. उर्वरित 10,000 रुपयांचा तोटा तुम्हाला सहन करावा लागेल.
क्रेडिट कार्डसंदर्भात कोणते नियम?
जर तुमच्या चालू खात्यात 5 लाखांहून अधिक मर्यादेच्या क्रेडिट कार्डमध्ये अनधिकृत व्यवहार झाले तर अशा परिस्थितीत तुमची जबाबदारी 25,000 असेल. म्हणजेच, जर तुमच्या खात्यातून 50 हजार रुपयांचा अनधिकृत व्यवहार झाला असेल तर बँक तुम्हाला फक्त 25,000 रुपये देईल. उर्वरित 25,000 रुपयांचे नुकसान तुम्हाला सहन करावे लागेल.
संबंधित बातम्या
6 कोटी नोकरदारांना सरकारचं मोठं गिफ्ट, आता पीएफच्या पैशांवर मिळणार अधिक व्याज
What To Do If Someone Stole Money From Yours Bank Account, How To Returns Know More
