UPSC Engineering Services 2020 Final Result : केंद्रीय लोकसेवा आयोगाकडून अभियांत्रिकी सेवा परीक्षेचा अंतिम निकाल जाहीर, असा करा चेक
युपीएससी ईएसई मार्क 2020 युपीएससी ईएसई मार्कशीट निकाल जाहीर झाल्यापासून पंधरा दिवस वेबसाइटवर उपलब्ध करुन देण्यात येईल. (Announce the final result of the UPSC Engineering Services Examination, check it on upsc.gov.in)
UPSC Engineering Services 2020 Final Result नवी दिल्ली : केंद्रीय लोकसेवा आयोगाने (UPSC) अभियांत्रिकी सेवा परीक्षेचा अंतिम निकाल 2020 जाहीर केला आहे. या परीक्षेत सहभागी झालेले उमेदवार, upsc.gov.in या अधिकृत वेबसाइटवर जाऊन आपला निकाल तपासू शकतात. या परीक्षेअंतर्गत 495 पदांसाठी भरती होणार आहे. युपीएससीने 25 सप्टेंबर 2019 रोजी या भरतीसाठी अधिसूचना प्रसिद्ध केली होती. यासाठी अर्ज करण्याची प्रक्रिया 15 ऑक्टोबर 2019 पर्यंत सुरू ठेवण्यात आली होती. (Announce the final result of the UPSC Engineering Services Examination, check it on upsc.gov.in)
या रिक्त पदासाठी प्राथमिक परीक्षा 5 जानेवारी 2020 रोजी घेण्यात आली होती, ज्याचा निकाल 20 फेब्रुवारी 2020 रोजी जाहीर करण्यात आला होता. यामध्ये निवड झालेल्या उमेदवारांची मेन्स परीक्षा लॉकडाऊननंतर 18 ऑक्टोबर 2020 रोजी घेण्यात आली होती. त्याच वेळी, मेन्सचा निकाल 14 डिसेंबर 2020 रोजी जाहीर करण्यात आला. यानंतर 25 डिसेंबर ते 05 जानेवारी 2021 दरम्यान डीएएफचे आयोजन केले गेले. मुलाखतीनंतर अंतिम निकाल जाहीर झाला आहे.
असा चेक करा निकाल
निकाल तपासण्यासाठी सर्वप्रथम अधिकृत वेबसाइट upsc.gov.in वर जा. वेबसाइटच्या होम पेजवर What’s New ऑप्शन वर जा. यामध्ये Engineering Services (Main) Examination, 2020 लिंकवर जा. आता Engineering Services (Main) Examination, 2020, Final Result लिंकवर क्लिक करा. येथे निकालाची पीडीएफ फाईल ओपन होईल. यामध्ये आपल्या विभागातील पेजवर जा. येथे आपला रोल नंबर आणि नाव टाकून निकाल चेक करु शकता. निकालाची पीडीएफ फाईल डाउनलोड करु शकता. या लिंकवर क्लिक करुन निकाल तपासा.
निकाल जाहीर झाल्यापासून 15 दिवस वेबसाईटवर उपलब्ध राहिल
युपीएससी ईएसई मार्क 2020 युपीएससी ईएसई मार्कशीट निकाल जाहीर झाल्यापासून पंधरा दिवस वेबसाइटवर उपलब्ध करुन देण्यात येईल. ज्या उमेदवारांचे निकाल आयोगाने मूळ कागदपत्रांची पुष्टी करेपर्यंत आणि त्यांची तात्पुरती स्थिती स्पष्ट होईपर्यंत तात्पुरती ठेवली आहे अशा उमेदवारांची नियुक्तीची ऑफर अनंतिम आहे. या उमेदवारांची तरतूद केवळ तीन महिन्यांच्या कालावधीसाठी वैध असेल. अशा तात्पुरत्या उमेदवारांना त्यांची मूळ कागदपत्रेच आयोगाकडे सादर करणे आवश्यक असेल. उमेदवाराने वरील विहित मुदतीत आयोगाने आवश्यक असणारी कागदपत्रे सादर करण्यात अपयशी ठरल्यास, तिची उमेदवारी रद्द केली जाईल आणि यापुढे कोणताही पत्रव्यवहार केला जाणार नाही.
या शहरांमध्ये घेण्यात आली मेन्स परीक्षा
मुख्य परीक्षा अहमदाबाद, आयजाल, अलाहाबाद, बगोदर, भोपाळ, चंदीगड, चेन्नई, कटक, देहरादून, दिल्ली, दिस्पूर, हैदराबाद, जयपूर, जम्मू, कोलकाता, मुंबई, पटना, रायपूर, रांची, शिलांग, शिमला, त्रिवेंद्रम आणि विशाखापट्टणममध्ये झाली होती. (Announce the final result of the UPSC Engineering Services Examination, check it on upsc.gov.in)
SC-ST प्रवर्गातील प्रत्येक घरात वीजजोडणीसाठी ‘ही’ खास योजना, डॉ. आंबेडकर जयंतीनिमित्त घोषणाhttps://t.co/azAXaW7th4#SC #ST #Electricity #NitinRaut #DrAmbedkarJayanti @NitinRaut_INC
— TV9 Marathi (@TV9Marathi) April 12, 2021
इतर बातम्या
अंगावर काटा आणणारी घटना, नालासोपाऱ्यात ऑक्सिजन न मिळाल्यामुळे एक तासात तब्बल सात रुग्णांचा मृत्यू
NIA प्रमुख अनिल शुक्लांची तडकाफडकी बदली, हसन मुश्रीफांकडून संशय व्यक्त
