SSC GD Constable 2021: एसएससी जीडी कॉन्स्टेबल 25 हजार जागांवर भरती, 31 ऑगस्टपर्यंत नोंदणींची संधी, वाचा सविस्तर

एसएससी जीडी भरतीसाठी ऑफिशियल वेबसाईट ssc.nic.in वर रजिस्ट्रेशन करण्यासाठी अखेरचे काही दिवस शिल्लक राहिले आहेत.

प्रातिनिधिक फोटो

TV9 मराठी डिजीटल टीम | Edited By: Yuvraj Jadhav | Updated on: Aug 29, 2021 | 10:31 AM

SSC GD Constable 2021नवी दिल्ली: स्टाफ सिलेक्शन कमिशन (SSC) ने CAPF मधील कॉन्स्टेबल (जनरल ड्यूटी किंवा जीडी), SSF आणि आसाम रायफल्स मध्ये रायफलमन या पदांसाठी अर्ज करण्यासाठी अखेरचे तीन दिवस शिल्लक आहेत. एसएससीनं जीडी कॉन्स्टेबल भरतीसाठी नोटिफिकेशन 17 जुलै रोजी जारी केलं होतं. एकूण 25 हजार पदांवर भरती प्रक्रिया राबवण्यात येत आहे.

एकूण किती पदांवर भरती

स्टाफ सिलेक्शन कमिशननं यावेळी 25271 पदांसाठी अर्ज मागवले आहेत. भरती प्रक्रियेत पुरुष उमेदवारांसाठी 22424 जागा आहेत तर, महिला सांठी 2847 पद आहेत. इच्छुक आणि योग्य उमेदवार ऑफिशियल वेबसाईट ssc.nic.in वर जाऊन ऑनलाईन अर्ज दाखल करु शकतात. अर्ज दाखल करण्याची अखेरची तारीख 31 ऑगस्ट 2021 ही आहे. तर, अर्जाचं शुल्क ऑनलाईन जमा करण्याची अखेरची मुदत 2 सप्टेंबर तर चलनाद्वारे सादर करण्याची अखेरची मुदत 7 सप्टेंबरपर्यंत आहे.

महत्वपूर्ण तारखा

अर्ज दाखल करण्याची प्रक्रिया सुरु होण्याची तारीख – 17 जुलै ऑनलाईन अर्ज दाखल करण्याची अखेरची तारीख- 31 ऑगस्ट (रात्री 11.30 वाजेपर्यंत) ऑनलाईन फी जमा करण्याची अखेरची तारीख – 2 सप्टेंबर (रात्री 11.30 वाजता) ऑफलाईन चलन जनरेट करण्याची अखेरची तारीख- 4 सप्टेंबर (रात्री 11.30 वाजता) चलनाद्वारे फी जमा करण्याची अखेरची तारीख – 7 सप्टेंबर टियर – 1 परीक्षा (सीबीटी) चे तारीख- नंतर कळवली जाणार आहे

विभागनिहाय पदसंख्या

बीएसएफ: 7545 सीआयएसएफ : 8464 एसएसबी : 3806 आयटीबीपी :1431 आसाम रायफल्स: 3785 एसएसएफ: 240 यावेळी सीआरपीएफ आणि एनआयएमध्ये कोणत्याही जागा निघालेल्या नाहीत.