वन बीएचकेच्या फ्लॅटमध्ये ‘काळेधंदे’, सेक्स रॅकेटचा पर्दाफाश, तिची सुटका, त्यांना अटक

मुंबई : अंधेरी पूर्व एमआयडीसी पोलिसांनी मंगळवारी एका सेक्स रॅकेटचा पर्दाफाश केला. आणि 17 वर्षीय अल्पवयीन मुलीची (minor girl rescued) सुटका केली. अंधेरीतील एका निवासी इमारतीत एका फ्लॅटमध्ये 35 वर्षीय महिला हे सेक्स रॅकेट चालवत होती. पोलिसांना याची माहिती मिळताच त्यांनी कारवाई करत हे कृत्य करणारी महिला आणि एका ग्राहकाला अटक केली. तेथून एका अल्पवयीन मुलीची सुटकाही करण्यात आली.

पोलिस सूत्रांनी दिलेल्या माहितीनुसार, हे काळेधंदे एमआयडीसी कनकिया परिसरात असलेल्या एसआरए इमारतीच्या वन बीएचके फ्लॅटमध्ये सुरू होते.

या रॅकेटची माहिती मिळताच एनजीच्या मदतीने डीसीपी दत्ता नलावडे व वरिष्ठ निरीक्षक सतीश गायकवाड यांच्या मार्गदर्शनाखाली एपीआय रोहित जाधव, शोभा खरात यांच्यासह पोलीस पथकाने बोगस ग्राहक पाठवला. त्यानंतर घरावर छापा टाकून एका १७ वर्षीय अल्पवयीन मुलीची सुटका केली. अशी माहिती पोलिस अधिकाऱ्यांनी दिली.

आरोपी महिला ही या फ्लॅटमध्ये गेल्या 6 महिन्यांपासून भाड्याने राहत होती आणि तेव्हापासून हे सेक्स रॅकेट चालवत असल्याचे तपासात समोर आल्याचे पोलिसांनी सांगितले. ती एका दिवसात फक्त एका महिलेला घेऊन जात असे आणि दिवसभर तिला घरात ठेवत असे, ज्याची आजूबाजूच्या लोकांना शंकाही आली नव्हती, असे पोलिसांनी नमूद केले.

सुटका करण्यात आलेल्या अल्पवयीन मुलीला रेस्क्यू सेंटरमध्ये पाठवले आहे आणि महिला आणि ग्राहकावर पॉक्सो कायद्यासह आयपीसीच्या विविध कलमांखाली गुन्हा दाखल केल्याचे पोलिस म्हणाले.