CCTV नाशिकमध्ये लाठ्या काठ्यांनी मारहाण, अंबड परिसरात गावगुंडाची दहशत कायम, पोलीस कारवाई कधी करणार?

नाशिक : नाशिक शहरातील नवीन नाशिक म्हणजेच सिडको परिसरातील गावगुंडांची दहशत काही केल्या कमी व्हायला तयार नाहीये. अंबड पोलीस स्टेशनच्या हद्दीत घडलेल्या या घटनेनं शहरात खळबळ उडाली असून अंबड परिसर हादरला आहे. विशेष म्हणजे हा संपूर्ण हाणामारीचा प्रकार सीसीटीव्ही मध्ये कैद झाला आहे. त्यामुळे सिडको परिसरात गावगुंडाची दहशत कायम आहे. यामध्ये कुणीही तक्रार न दिल्याने याबाबत कुठलाही गुन्हा दाखल करण्यात आला नाही. त्यामुळे या हाणामारीच्या विषयाकडे अंबड पोलीसांनी दुर्लक्ष केल्याचे दिसून येत आहे. याच परिसरात यापूर्वीही घरांवर दगडफेक, लाठ्याकाठ्या घेऊन गल्लीत दहशत निर्माण करणे अशा विविध घटना घडत आहे. वारंवार या घटना असतांना पोलीसांनी कुठलीही कठोर भूमिका न घेतल्याने नागरिकांमध्ये नाराजी पसरली आहे. सिडको परिसरात हाणामारीच्या घटणेमुळे नागरिकांमध्ये भितीचे वातावरण पसरले आहे.

नाशिकच्या सिडको परिसरात गावगुंडाची दहशत असल्याचे पुन्हा एकदा समोर आले आहे, आणि यामध्ये अंबड पोलिसांचे दुर्लक्ष देखील असल्याचे स्पष्ट होत आहे.

क्षुल्लक कारणावरून वाद घालत लाठ्या काठ्यांनी मारहाण केल्याची बाब समोर आली आहे. मारहाणीचा सीसीटीव्ही समोर आल्याने खळबळ उडाली आहे.

नाशिकच्या अंबड परिसरात गावगुंडांनी दहशत कायम,पोलीस कारवाई कधी करणार ? #crime #cctv #police #nashik #viralvideo pic.twitter.com/Q7SY7Um8AD

— Kiran Balasaheb Tajne (@kirantajne) January 10, 2023

या घटनेतील धक्कादायक बाब म्हणजे गावगुंडाच्या भीतीने अंबड पोलिसात तक्रार देणे टाळले आहे, परिसरातील नागरिकांमध्ये भीतीचे वातावरण पसरले आहे.

गावगुंडाचा बंदोबस्त करावा अशी नागरिकांची मागणी करत असले तरी अंबड परिसर नेहमीच अशा घटनेने चर्चेत येत असतो.

यापूर्वी देखील कोयते घेऊन मिरविण्याचा प्रकार घडला होता, अंबड परिसरात पोलिसांचा वचक राहिला नाही का ? अशी चर्चा आता सिडकोच्या चौकाचौकात होऊ लागली आहे.