Aurangabad Crime : औरंगाबाद आहे की धनबाद? जीवघेणे हल्ले थांबेनात, 2 भावांवर रॉड, लाठ्या-काठ्यांनी हल्ला

औरंगाबाद : औरंगाबादेमध्ये (Aurangabad Crime) जीवघेण्या हल्ल्यांचं सत्र सुरुच आहे. औरंगाबादेत दोन भावांवर टोळक्यानं जीवघेणा हल्ला केला. या हल्ल्यामधेय दोघे जण जखमी झालेत. लाठ्या काठ्यांनी जबर मारहाण यावेळी करण्यात आली. ही संपूर्ण घटना सीसीटीव्ही (CCTV Video) कॅमेऱ्यात कैद झाली आहे. याप्रकरणी पोलिसांनी गुन्हा देखील नोंदवलाय. सात जणांविरोधात पोलिसाांनी गुन्हा नोंदवून घेतला असून सीसीटीव्ही फुटेजच्या मदतीने पोलीस आता अधिक तपास करत आहेत. औरंगाबादच्या (Aurangabad News) करमाडजवळील शेकटा भागात हा हल्ला करण्यात आला. भर रस्त्यात दहशत माजवत दोघांना मारहाण करण्यात आली. अवैध धंद्याबाबत पोलिसांनी माहिती दिल्याचा संशय असल्यावरुन दोघा भावंडाना मारहाण करण्यात आली असल्याचं सांगितलं जातंय.

ठाणे जिल्ह्यातील भिवंडीतील 30 वर्षीय फारुख कैसर बैग आणि औरंगाबादच्या नारेगाव येथील राहणारा 25 वर्षीय अरबाज अय्युब बेग मिर्झा यांना टोळक्यानं जबर मारहाण केली. रॉड आणि लाठ्यांना यावेळी हल्ला चढवण्यात आला. अचानक काही चोरट्यांची टोळी दुकानावर आली आणि त्यांनी रॉड, लाठ्या काठ्यांनी दोघांसोबत बाचाबाची करत त्यांना बेदम मारहाण केली.

पाहा व्हिडीओ :

का केला हल्ला?

जखमी अरबाजचे वडील अय्युब बेग हे परिसरात सुरू असलेल्या अवैध धंद्याची माहिती पोलिसांना पुरवितात, असा संशय आरोपिना होता. दरम्यान फारुख आणि कैसार हे दोघेही शेकटा येथील फारुखच्या वडिलांच्या कार्यालयाबाहेर वडिलांची वाट पाहतो. रात्री 9.30 वाजता ते दोघेही थांबले होते. त्याचवेळी पाच ते सहा दुचाकीवरून दहा ते बारा आरोपी हातात लोखंडी रॉड आणि लाकडी दांडे घेऊन आले आणि त्यांनी दोन्ही तरुणावर हल्ला चढविला.

दोघांनीही कशीबशी स्वतःची सुटका करून पळ काढला. या हल्ल्यात दोघेही तरुण जखमी झालेत. या हल्ल्याची संपूर्ण घटना परिसरातिल सीसीटीव्ही मध्ये कैद झाली आहे. या प्रकरणी करमाड पोलीस ठाण्यात सात आरोपी विरोधात गुन्हा दाखल करण्यात आला असून पुढील तपास केला जातोय.