मेहुणीला लग्नाचं वचन, बायकोचा मर्डर, महिला पोलिसांशी अनैतिक संबंध, स्त्रीलंपट नवऱ्याला अटक

गावात असलेल्या पुलावर ही घटना घडल्याचा दावा पतीने केला होता, मात्र गोळ्यांचा आवाज कोणालाच कसा ऐकू आला नाही, हे पोलिसांना समजत नव्हते. त्यामुळे या प्रकरणाच्या तळापर्यंत जाण्यासाठी पोलिसांनी सुधीर यादवलाही रडारवर घेतले.

मेहुणीला लग्नाचं वचन, बायकोचा मर्डर, महिला पोलिसांशी अनैतिक संबंध, स्त्रीलंपट नवऱ्याला अटक
प्रातिनिधिक फोटो
Follow us
| Updated on: Jan 17, 2022 | 10:33 AM

पाटणा : बिहारमधील सिवान जिल्ह्यातील एका तरुणाचे आपल्या मेहुणीशी विवाहबाह्य संबंध (Extra Marital Affair) असल्याचा आरोप केला जात होता. अनेक महिला पोलिसांशीही तो अनैतिक संबंध ठेवत होता. हा प्रकार पत्नीला समजल्यानंतर दोघांमध्ये कडाक्याची भांडणं सुरु झाली. पत्नी वारंवार पतीला सुधारण्याचा इशारा देत होती. मात्र रोजच्या कटकटींना कंटाळलेल्या पतीने तिचा आक्षेप कायमचा मोडून काढण्यासाठी एक निर्णय घेतला. तिचा आवाज कायमचा दाबण्यासाठी नवऱ्याने तिच्या हत्येचा कट रचला. मध्य प्रदेशातून बिहारमधील सिवानला येत त्याने हत्याकांड घडवून आणलं. हत्येनंतर नामानिराळा राहण्याचा त्याने आटोकाट प्रयत्न केला. बायकोच्या हत्या प्रकरणात त्याने हात वर केले होते. मात्र आरोपीच्या मोबाईलच्या सीडीआरने हे प्रकरण उघडकीस आणले. पोलिसांनी सुधीर यादव नावाच्या तरुणाला अटक केली आहे.

काय आहे प्रकरण?

सुधीर आधी सिवानमधील त्याच्या गावी आला. परीक्षेच्या निमित्ताने पत्नीला घेऊन पाटण्याला गेला. परीक्षा संपल्यानंतर ती पतीसोबत सिवानला परत येत होती. यादरम्यान संधी मिळताच सुधीरने पत्नीची हत्या केली. पत्नीची अज्ञात गुन्हेगारांनी गोळ्या झाडून हत्या केल्याची माहिती त्यानेच पोलिसांना दिली. पोलिसांनी गुन्हा दाखल करून तपास सुरू केला.

गुन्हा दाखल केल्यानंतर पोलिसांनी आठ जानेवारीपासून या प्रकरणाचा तपास सुरु केला. सिवानमधील मधेशीलापूर गावात असलेल्या पुलावर ही घटना घडल्याचा दावा पतीने केला होता, मात्र गोळ्यांचा आवाज कोणालाच कसा ऐकू आला नाही, हे पोलिसांना समजत नव्हते. त्यामुळे या प्रकरणाच्या तळापर्यंत जाण्यासाठी पोलिसांनी सुधीर यादवलाही रडारवर घेतले.

मोबाईल लोकेशनमुळे पोलखोल

हत्येचा तपास करणारे एसएचओ मनोज कुमार यांनी सुधीरसोबतच त्याची मयत पत्नी रिया देवीचा मोबाईलही ताब्यात घेतला. पोलिसांनी दोन्ही क्रमांकांचे सीडीआर काढून त्यांचा सखोल तपास सुरु केला. तपासात सुधीरचा मोबाईल कायम पत्नीसोबत अॅक्टिव्ह असल्याचे समोर आले. त्याचे मोबाईल लोकेशनही नेहमी पत्नीच्या सोबतच असल्याचे दिसले.

त्याआधारे पोलिसांनी तपास करुन सुधीरची चौकशी सुरू केली, त्यात सुधीर यादवनेच पत्नीची हत्या केल्याचे निष्पन्न झाले. एसएचओ मनोज कुमार यांनी सुधीरची कसून चौकशी केली असता, त्याने खुनाची कबुली दिली. पोलिसांनी सुधीरला अटक करुन रविवारी तुरुंगात पाठवले.

मेहुणीला लग्नाचे आश्वासन

सुधीरने आपल्या मेहुणीला लग्न करण्याचे आश्वासन दिल्याचे चौकशीदरम्यान समजले. मेहुणीशिवाय त्याचे अनेक महिला पोलिसांशी अनैतिक संबंध होते. सुधीरच्या मोबाईलमध्ये अनेक महिलांसोबत चॅटिंग आणि त्यांचे फोटो सापडले आहेत. पोलिस मध्य प्रदेश पोलिसांशी संपर्क साधून सुधीरबाबत अधिक माहिती घेत आहेत. लवकरच आरोपपत्र दाखल केल्यानंतर सुधीरला न्यायालयात हजर केले जाईल, असे पोलिसांनी सांगितले आहे.

संबंधित बातम्या :

औरंगाबादेत गँगवॉर! 9 जणांनी मिळून तरुणावर केले तब्बल 35 चाकूचे वार, निर्घृण खून!

नवऱ्याला सरप्राईज गिफ्ट देण्याची तयारी, बायकोलाच बसला शॉक, फसवणुकीमुळे आनंदावर विरजण

मागाल ते देतो, काळजाच्या तुकड्याला सोडा, पुण्यातील अपहृत चिमुरड्याच्या वडिलांची भावनिक पोस्ट, नेटिझन्स हळहळले

Non Stop LIVE Update
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.