Kalyan Crime : भाऊ अश्लील चाळे करत होता, बहिण व्हिडिओ बनवत होती, कल्याणमध्ये चाललंय काय?
कल्याण हे गुन्हेगारी हब बनत आहे. विशेषतः कोशलेवाडी पोलीस ठाण्याअंतर्गत गुन्हेगारी घटनांचे प्रमाण अधिक वाढले आहे. अल्पवयीन मुलींना टार्गेट करण्यात येत आहे.
कल्याण / 29 ऑगस्ट 2023 : कल्याण अल्पवयीन मुलींवरील अन्यायाच्या घटना थांबण्याचे नावच घेताना दिसत नाहीत. अल्पवयीन मुलीवरील हल्ल्याची घटना ताजी असतानाच कोळसेवाडी परिसरात आता आणखी एक संतापजनक उघडकीस आली आहे. एका 12 वर्षीय मुलीशी शेजारीच राहणाऱ्या भाऊ-बहिणीने अश्लील चाळे केल्याचे उघड झाले आहे. धक्कादायक म्हणजे, भाऊ अश्लीस चाळे करत होता आणि बहिण त्याचा व्हिडिओ बनवत होती. याप्रकरणी कोळसेवाडी पोलीस ठाण्यात गुन्हा दाखल करण्यात आला आहे. पोलिसांनी आरोपी भाऊ-बहिणीला अटक केली आहे. अजय थापा आणि सपना थापा अशी आरोपी भाऊ बहिणीची नावे आहेत. पोलीस पुढील तपास करत आहेत.
भाऊ अश्लील कृत्य करत होता, बहिण व्हिडिओ बनवत होती
कल्याण पूर्व परिसरात पुन्हा एकदा अल्पवयीन मुलीचा विनयभंग करण्याचा प्रकार उघडकीस आला आहे. शेजारीच राहणाऱ्या भाऊ आणि बहिणीने घराबाहेर खेळत असलेल्या 12 वर्षीय अल्पवयीन मुलीला घरी बोलावले. मग तिच्या अज्ञानाचा फायदा घेत भावाने तिच्यासोबत अश्लील चाळे करण्यास सुरवात केली. तर बहिण भावाच्या या अश्लील कृत्याचा व्हिडिओ बनवत होती.
कोळसेवाडी पोलिसांकडून आरोपींना अटक
मुलीने घरी जाऊन घरच्यांना सर्व प्रकार सांगितला. यानंतर घरच्यांनी कोळसेवाडी पोलीस ठाणे गाठत तक्रार दिली. पीडित मुलीच्या जबाबावरुन पोलिसांनी आरोपी भाऊ-बहिणी विरोधात गुन्हा दाखल केला. कोळसेवाडी पोलिसांनी दोन्ही भाऊ-बहिणीला बेड्या ठोकल्या आहेत. पोलीस अधिक तपास करत आहेत. या घटनेमुळे परिसरात संतापाची लाट उसळली आहे.
