75 बांग्लादेशी मुलींशी लग्न, दोनशे जणींना देह व्यापारात ढकललं, मुंबई-पुण्यासह देशभरात जाळं
आरोपी बांगलादेश आणि भारताच्या पोरस सीमेवरील नाल्यातून मुलींना आणत असत आणि सीमेजवळील छोट्या गावात एजंटच्या माध्यमातून ते मुलींना भारतात आणण्यासाठी मुर्शिदाबाद आणि आसपासच्या ग्रामीण भागात न्यायचे.
इंदौर : मध्य प्रदेशातील इंदौर पोलिसांनी बांग्लादेशी मुलींच्या तस्करी प्रकरणात पकडलेल्या मुनीर उर्फ मुनीरुल याने चौकशीदरम्यान धक्कादायक खुलासे केले आहेत. आरोपीने बांग्लादेशातून 200 हून अधिक बांग्लादेशी मुली आणून त्यांना देह व्यवसायात ढकलले होते. तो दरमहा 55 हून अधिक मुलींना आणायचा. जवळपास 5 वर्षांपासून तो या व्यवसायात आहे. आरोपीने आतापर्यंत 75 मुलींशी लग्न केल्याची माहिती समोर आली आहे. गुरुवारी इंदौर एसआयटीने मुनीरला सुरत येथून अटक केली.
आरोपी बांगलादेश आणि भारताच्या पोरस सीमेवरील नाल्यातून मुलींना आणत असत आणि सीमेजवळील छोट्या गावात एजंटच्या माध्यमातून ते मुलींना भारतात आणण्यासाठी मुर्शिदाबाद आणि आसपासच्या ग्रामीण भागात न्यायचे.
फरार मुनीर सुरतमध्ये सापडला
खरं तर, इंदौर पोलिसांनी 11 महिन्यांपूर्वी लसुडिया आणि विजय नगर भागात सर्च ऑपरेशन करून 21 मुलींची सुटका केली होती, ज्यात 11 बांगलादेशी आणि इतर देशातील मुली होत्या. या प्रकरणात सागर उर्फ सँडो, आफरीन, अमरीन आणि इतरांना आरोपी बनवण्यात आले होते, मुनीर फरार झाला होता. त्याला सुरत येथून पकडण्यात आले आणि गुरुवारी इंदौरला आणण्यात आले.
इंदौर पोलिसांनी मुनीर याच्यावर 10,000 रुपयांचे बक्षीस ठेवले होते. तो बांगलादेशातील जसोरचा रहिवासी आहे. त्याने बहुतेक मुलींशी लग्न केले आणि नंतर त्यांना भारतात आणून विकले. त्यामागे एक मोठे जाळे आहे. सेक्स रॅकेटशी संबंधित टोळी मुलींना आधी कोलकाता, नंतर मुंबईत प्रशिक्षण देते, अशी माहिती मुनीरकडून मिळाली. यानंतर, मागणीनुसार, तो देशातील इतर शहरांमध्ये भोपाळ आणि इतर शहरांमध्ये मुलींचा पुरवठा करायचा.
कोलकाता आणि मुंबईत प्रशिक्षण
बांगलादेशचे एजंट गरीब कुटुंबातील मुलींना काम मिळवून देण्याच्या बहाण्याने सीमा ओलांडून गुप्तपणे कोलकात्यात आणायचे. येथे त्यांना एका आठवड्यापेक्षा जास्त काळ ठेवण्यात आले. देहबोली आणि उत्तम राहणीमान ठेवण्याचे प्रशिक्षण देण्यात आले. प्रशिक्षण झाल्यावर मुलींना मुंबईला पाठवण्यात आले. येथे पुन्हा प्रशिक्षण देण्यात आले. यानंतर शहरांमधून मागणीनुसार मुलींना त्या शहरांमध्ये पाठवण्यात आले.
मुलींना मुंबईहून पाठण्यापूर्वी त्यांची कागदपत्रे जप्त करण्यात यायची. मुली बांगलादेशातील आहेत, एजंट त्यांच्या डोळ्यांद्वारे ते ओळखण्यासाठी वापरतात. सुरतमधील स्पा सेंटर व्यतिरिक्त त्याने मुलींना इंदौर, भोपाळ, ग्वाल्हेर, पुणे, मुंबई, बंगळुरू येथेही पाठवले.
संबंधित बातम्या :
पिंपरीतील स्पा सेंटरमध्ये वेश्या व्यवसायाचा पर्दाफाश, चौघींची सुटका, स्पा चालक अटकेत
पुण्यात बनावट ग्राहक पाठवून लॉजवर छापा, देह व्यापाराच्या रॅकेटचा पर्दाफाश, तिघींची सुटका
नालासोपाऱ्यातील चाळीत वेश्या व्यवसाय, महिलेसह तृतीयपंथीयाला बेड्या, दोन लाखांचे कंडोम सापडले
