मला काहीच माहीत नाही, सचिन वाझेंची पहिली प्रतिक्रिया; फडणवीसांचे आरोपही फेटाळले

मनसुख हिरेन मृत्यू प्रकरणाबाबत मला काहीच माहीत नाही. आता खबर मिळाल्यानंतर मी तिकडेच जायला निघालो आहे, असा दावा एन्काऊंटर स्पेशालिस्ट सचिन वाझे यांनी केला आहे. (i don't know what happened, sachin vaze clarification on mansukh hiren death)

sachin vaze -mansukh

भीमराव गवळी | Updated on: Mar 05, 2021 | 6:04 PM

मुंबई: मनसुख हिरेन मृत्यू प्रकरणाबाबत मला काहीच माहीत नाही. आता खबर मिळाल्यानंतर मी तिकडेच जायला निघालो आहे, असा दावा एन्काऊंटर स्पेशालिस्ट सचिन वाझे यांनी केला आहे. यावेळी वाझे यांनी विरोधी पक्षनेते देवेंद्र फडणवीस यांनी केलेले सर्व आरोपही फेटाळून लावले. (i don’t know what happened, sachin vaze clarification on mansukh hiren death)

उद्योगपती मुकेश अंबानी (Mukesh Ambani) यांच्या घराबाहेर सापडलेल्या स्फोटकांनी भरलेल्या गाडीमालकाने आत्महत्या केल्याची धक्कादायक माहिती समोर आली. त्यानंतर विरोधी पक्षनेते देवेंद्र फडणवीस यांनी सचिन वाझे हे प्रत्येक यांच्यावर या प्रकरणी गंभीर आरोप केले होते. त्यावर सचिन वाझे यांनी प्रतिक्रिया व्यक्त करत त्यांच्यावरील आरोप फेटाळून लावले आहेत. मनसुख हिरेनचं काय झालं मला काहीच माहीत नाही. मला आताच कळलंय. मी ठाण्यालाच चाललो आहे, असं वाझे म्हणाले.

हिरेन यांनीच तक्रार केली होती

यावेळी त्यांनी हिरेन यांनी तीन दिवसांपूर्वी तक्रार केली होती. त्यात पोलीस आणि पत्रकार त्रास देत असल्याचं म्हटलं आहे. पोलीस आणि पत्रकार वारंवार फोन करत आहेत. एका पत्रकाराने रात्री उशिरा फोन करून पोलीस तुम्हे सस्पेक्ट की नजर से देख रही है, असं म्हटलं होतं, असं त्यांनी तक्रारीत म्हटल्याचं वाझे यांनी सांगितलं.

त्यांनाच विचारा

तुमचं आणि हिरेन यांचं पूर्वी बोलणं झालं होतं. त्याचा सीडीआरही उपलब्ध असल्याचं फडणवीस यांनी म्हटलं आहे, असं विचारताच वाझे यांनी हे आरोप नाकारले. तुम्ही त्यांनाच विचारा. मला याबाबत काहीच माहिती नाही. त्यांना आरोप करू द्या. पण मला काही माहीत नाही, असं त्यांनी त्यांनी स्पष्ट केलं.

मी सर्वात आधी पोहोचलो नव्हतो

वाझे सर्वात प्रथम क्रॉफर्ड मार्केटला गेले कसे? असा सवाल फडणवीस यांनी केला होता. वाझे यांनी हा आरोपही फेटाळून लावला आहे. माझ्या आधी तिथे अनेक यंत्रणा गेल्या होत्या. सीनियर पीआय गावदेवी, ट्राफीक एसपी, डीसीपी झोन-2 आणि बीडीडीएस पोहोचले होते. त्यानंतर क्राईम ब्रान्चचं युनिट पोहोचलं होतं. त्यात मी होतो, असंही त्यांनी स्पष्ट केलं. (i don’t know what happened, sachin vaze clarification on mansukh hiren death)