AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

क्षुल्लक कारणातून मुलाला संताप अनावर झाला, मग जन्मदात्या आईलाच…

कामावर जाण्यासाठी आई मुलाला झोपेतून उठवत होती. मात्र याच गोष्टीचा मुलाला राग आला अन् मग त्यातून पुढे जे घडलं ते भयंकर होते.

क्षुल्लक कारणातून मुलाला संताप अनावर झाला, मग जन्मदात्या आईलाच...
क्षुल्लक कारणातून मुलानेच आईला संपवलेImage Credit source: TV9
वैजंता गोगावले
वैजंता गोगावले | Updated on: Mar 24, 2023 | 10:58 AM
Share

पिंपरी चिंचवड / रणजित जाधव : झोपेतून उठवल्यामुळे संतापलेल्या मुलाने जन्मदात्या आईला संपवल्याची खळबळजनक घटना पिंपरी- चिंचवड शहरात उघडकीस आली आहे. परेगाबाई अशोक शिंदे असे 58 वर्षीय हत्या झालेल्या महिलेचे नाव आहे. तर विश्वास अशोक शिंदे अस 30 वर्षीय आरोपी तरुणाचे नाव आहे. याप्रकरणी गुन्हे शाखा युनिट 2 ने आरोपी मुलाला बेड्या ठोकल्या आहेत. विश्वास हा सराईत गुन्हेगार असून, एका हत्येप्रकरणी याआधी तो 4 वर्षे तुरुंगात होता.

काय आहे प्रकरण?

परेगाबाई यांना तीन मुली आणि एक मुलगा अशी चार अपत्ये आहेत. तिन्ही मुलींची लग्न झाली आहेत. विश्वास हा कचऱ्याच्या घंटागाडीवर लेबर म्हणून कामाला जात होता. तर परेगाबाई या ही कचरा गोळा करण्याचे काम करत होत्या. 2015 मध्ये एका हत्या प्रकरणात विश्वासला 4 वर्षे तुरुंगवास झाला होता. तुरुंगातून बाहेर आल्यानंतर त्याला दारुचे व्यसन जडले. यामुळे नेहमी मायलेकांमध्ये वाद होत होते.

दारुच्या नशेत झोपलेल्या मुलाला परेगाबाई कामावर जाण्यासाठी सकाळी उठवत होत्या. झोपेतून उठवल्यामुळे मुलगा संतापला आणि आईवर जीवघेणा हल्ला केला. यानंतर रक्तबंबाळ अवस्थेत परेगाबाई जीव वाचवण्यासाठी बाहेर पळाल्या. मात्र पळता पळता त्या पाय अडकून पडल्या. विश्वासही त्यांच्या मागे पुन्हा हल्ला करण्यासाठी पळत होता. मात्र यावेळी शेजारी धावत बाहेर आल्याने तो तेथून पळाला.

महिलेला तात्काळ रुग्णालयात नेले मात्र उपचारादरम्यान मृत्यू

शेजाऱ्यांनी परेगाबाईच्या मुलीला घटनेची माहिती दिली. मुलीने तात्काळ येत आईला तळेगाव येथील रुग्णालयात नेले. मात्र मारहाणीत परेगाबाई यांच्या डोक्याला गंभीर दुखापत झाल्याने उपचारादरम्यान त्यांचा मृत्यू झाला. सुरुवातीला परेगाबाई या पाय घसरुन पडल्यामुळे त्यांना गंभीर जखम होऊन त्यांचा मृत्यू झाल्याचे सर्वांना वाटत होते. मात्र खबऱ्याने पोलिसांना घटनेची माहिती देत मुलाच्या मारहाणीत आईचा मृत्यू झाल्याचे सांगितले.

पोलिसांनी गोपनीय माहितीच्या केला उलगडा

पोलिसांनी सदर प्रकरणाचा गोपनीय तपास करुन सर्व सत्यता पडताळली. अत्यंत कौशल्याने तपास करत पोलिसांनी पळून जाण्याच्या तयारीत असलेल्या मुलाला सापळा रचून अटक केली. यानंतर मुलाची कसून चौकशी केली असता त्याने हत्येची कबुली दिली. सदरची कारवाई पिंपरी चिंचवडचे पोलीस आयुक्त विनायक कुमार चौबे, सह पोलीस आयुक्त मनोज लोहिया, पोलीस उपायुक्त गुन्हे स्वप्न गोरे यांच्या मार्गदर्शनाखाली गुन्हे शाखा युनिट 2 चे पोलीस निरीक्षक जितेंद्र कदम, उपनिरीक्षक गणेश माने तसेच पोलीस अंमलदार शिवानंद स्वामी, दिलीप चौधरी, आतिश कुडके, अजित सानप, शिवाजी मुंडे, उद्धव खेडकर यांनी केली.

Follow Us
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट