पत्नीचे दुसऱ्यावर प्रेम जडले, पतीने व्हिडिओ बनवत स्वतःला संपवले

भीलवाडा : पत्नीच्या प्रेम प्रकरणाला कंटाळलेल्या हॉटेल व्यावसायिकाने आत्महत्या केल्याची धक्कादायक घटना राजस्थानमधील भीलवाडा येथे घडली आहे. कमल कलवानी असे मयत व्यावसायिकाचे नाव आहे. मृत्यूपूर्वी कलवानी यांनी एक व्हिडिओ बनवला आहे. या व्हिडिओत त्यांनी आत्महत्येस पत्नी आणि बॉयफ्रेंड असल्याचे म्हटले आहे. याप्रकरणी कलवानी यांच्या भावाच्या तक्रारीवरुन गुन्हा दाखल करण्यात आला आहे.

हॉटेल व्यावसायिक असलेले कमल कलवानी हे मशिनी मार्केटमध्ये पत्नी आणि तीन मुलांसह राहत होती. कलवानी यांच्या पत्नीचे दुसऱ्या पुरुषासोबत प्रेमसंबंध सुरु आहेत. कलवानी यांनी पत्नीला प्रियकरासोबत रंगेहाथ पकडले होते.

व्हिडिओमध्ये काय म्हटलेय?

यानंतर पत्नीसह तिचा प्रियकर आणि पत्नीच्या घरचे त्यांना धमक्या देत आहेत. तू माझं काही करु शकत नाही, कायदा महिलांच्या बाजूने आहे. बायको भांडते, मारते पण.

पत्नीच्या घरचे सांगतात, आमचे 50 लाख उत्पन्न असल्याचे त्यांचे म्हणणे आहे. आम्ही पोलीस स्टेशनला पैसे देतो. यामुळे मी आत्महत्या करत आहे, असे कलवानी यांनी मृ्त्यूपूर्वी बनवलेल्या व्हिडिओत म्हटले आहे.

यानंतर कलवानी यांनी ट्रेनखाली उडी घेत आत्महत्या केली. रेल्वे ट्रॅकजवळ पोलिसांना मृतदेह आढळून आला. मृतदेहासोबत सापडलेल्या मोबाईलवरुन पोलिसांनी मृतदेहाची ओळख पटवली.

पत्नी आणि तिच्या प्रियकराविरोधात तक्रारही दाखल केली होती

मयत कलवानी यांचा पत्नी आणि तिच्या प्रियकराशी वादही झाला होता. याप्रकरणी कलवानी यांनी 27 ऑक्टोबर रोजी पोलिसात तक्रारही दाखल केली होती. विद्या आणि कमल यांच्या विवाहाला 18 वर्षे झाली आहेत.

आता कलवानी यांच्या फिर्यादीवरुन भंवरलाल दरगड, पंकज दरगड, मीना दरगड, कमलची पत्नी विद्या आणि मधु जैन यांच्या विरोधात गुन्हा दाखल करण्याता आला आहे. याप्रकरणी सिंधी समाजाने आरोपींच्या अटकेची मागणी केली आहे.