Indias Got Latent:स्टँडअप कॉमेडीयन समय रैना याच्या वादग्रस्त शोवर कारवाई, जजेसवरही FIR

स्टँडअप कॉमेडी शो Indias Got Latent वादात सापडला आहे. या शोमध्ये अलिकडेच रणवीर इलाहाबादिया, आशीष चंचलानी, जसप्रीत सिंह आणि अपूर्वा हे स्टँडअप कॉमेडीयन आले होते. यांच्या विरोधात आता गुवाहाटी पोलिसांनी गुन्हा दाखल केला आहे. या सर्वांवर अश्लीलतेला प्रोत्साहन दिल्याच्या आरोप लावण्यात आला आहे. गुवाहाटी क्राइम ब्रँचने या प्रकरणात सायबर पोलिस ठाण्यात अनेक कलमांतर्गत गुन्हा दाखल केला आहे. आसामचे मुख्यमंत्र्‍यांनी या एफआयआर संदर्भात एक्सवर पोस्ट करुन माहिती दिली आहे.

या पोस्टमध्ये त्यांनी लिहीलेय की गुवाहाटी पोलिसांनी काही प्रमुख युट्युबर्स आणि सोशल मिडिया इंफ्लुएंसर्सच्या विरोधात एफआयआर दाखल केली आहे. त्यांच्या बिभत्सपणा आणि अश्लीलतेला प्रोत्साहन दिल्याचा आरोप आहे. ज्या व्यक्तींच्या विरोधात हा गुन्हा दाखल झाला त्यांच्या विरोधात पोलिसांनी तपास सुरु केला आहे. पोलिसांनी सर्व आरोपींची ओळख पटण्यासाठी पुढील कारवाई केली जात आहे. या प्रकरणाची संवदेनशिलता पाहाता या प्रकरणाची लवकरच सखोल तपास करुन कारवाई केली जाणार असल्याचे मुख्यमंत्र्‍यांनी म्हटले आहे.

येथे पोस्ट पहा –

Today @GuwahatiPol has registered an FIR against against certain Youtubers and social Influencers, namely 1. Shri Ashish Chanchlani 2. Shri Jaspreet Singh 3. Shri Apoorva Makhija 4. Shri Ranveer Allahbadia 5. Shri Samay Raina and others for promoting obscenity and engaging in…

— Himanta Biswa Sarma (@himantabiswa) February 10, 2025

दिल्ली आणि मुंबईत देखील तक्रार दाखल

ट्युबर्स समय रैना आणि रणवीर इलाहाबादिया सह इतर सर्व लोकांविरोधात तक्रार दाखल झाली आहे. सर्वात आधी हिंदू आयटी सेलने मुंबईत या प्रकरणात तक्रार दाखल केली आहे. यानंतर जिंदल नावाच्या वकीलाने दिल्लीत तक्रार दाखल केली आहे.

रणवीर इलाहाबादियाने माफी मागितली –

युट्युबर रणवीर इलाहाबादियाने या प्रकरणात माफी मागितली आहे. त्यांनी सोमवारी एक्सवर एक व्हिडीओ शेअर करीत या प्रकरणात माफी मागितली आहे. त्याने कबूली दिली आहे की त्याची टिप्पणी योग्य नव्हती आणि विनोदी देखील नव्हती. त्याने आपल्या व्हिडीओच्या कॅप्शनमध्ये लिहीले की , ‘मी जे वक्तव्य केले ते करायला नको होते. मला माफ करा’ या व्हिडीओत त्याने म्हटलेय की मी कॉमेडीत माहीर नाही.आणि माझ्या चुकीबद्दल कोणताही बहाणा करणार नाही. माझा हेतू कोणाच्याही भावना दुखावण्याचा नव्हता. यासाठी मी सर्वांची माफी मागत आहे.’