आधी दारू ढोसली मग आश्रमशाळेतील मुलींवरच वाईट नजर; रक्षकच भक्षक ठरतो तेव्हा…

जळगाव : जिल्ह्यातील चोपडा तालुक्यातल्या देवझिरी येथील आश्रम शाळेच्या (Tribal Ashram School) मुलींच्या वसतिगृहात कीडसवाना प्रकार घटला. सदर घटनेमुळे वसतिगृहातील (Hostel) विद्यार्थिनींमध्ये भीतीचे वातावरण पसरले आहे. सचिन अशोक गडे असे वसतिगृह अधीक्षकाचे नाव आहे. जळगाव जिल्ह्यातील चोपडा तालुक्यातल्या दुर्गम भागात असलेल्या देवझिरी येथे आदिवासी आश्रमशाळा आहे. या मुलींच्या वसतिगृहात अधीक्षक गडे याने दारू ढोसले. त्यानंतर मद्यधुंद अवस्थेत प्रवेश करत विद्यार्थिनींचा विनयभंग करण्याचा प्रयत्न केला. असा धक्कादायक प्रकार समोर आला आहे. सदर घटनेमुळे विद्यार्थिनींमध्ये भीतीचे वातावरण पसरले आहे.

घटनेनंतर घाबरलेल्या विद्यार्थिनींनी हा प्रकार शाळेच्या अधीक्षिका यांना सांगितला. त्यानंतर सदर प्रकार उघडकीस आला आहे. या प्रकरणी शाळेच्या मुख्याध्यापकांकडे विद्यार्थिनींनी लेखी तक्रार केली. वसतिगृह अधीक्षकावर कारवाईची मागणी केली आहे.

म्हणाला माझ्यासोबत यात्रेला चला

मुलीनं सांगितलं की, आमच्या शाळेच्या गावात यात्रा होती. सचिन गडे हा दारू पिऊन वसतिगृहात आला. तेव्हा रात्रीचे साडेआठ वाजले होते. उपाशी कोण आहे, माझ्यासोबत चला यात्रेत जाऊन येऊ, असे सांगत होता. कुणाला बाहेर जायचं असेल तर सांगा आपण बाहेर जाऊन येऊ, असं हा अधीक्षक सांगत होता.

मुलींना निर्माण केला अडथळा

बाथरूममध्ये कपडे घ्यायला गेलेली मुलगी त्याला दिसली. तो तिच्याकडे जाऊन तिला अडथळा आणण्याचा प्रयत्न करत होता. अकरा वाजता तो पुन्हा आला. वाळत घातलेले कपडे होते. तिथं तो काहीतरी करत होता.

मुलींचे कपडे निरखून पाहत होता

दुसऱ्या मुलीनं सांगितलं की, साडेआठ वाजता संबंधित व्यक्ती दारू पिऊन आला होता. त्यावेळी मुली घाबरल्या होत्या. त्यानंतर साडेअकरा वाजता तो आला नि मुलींचे कपडे निरखून पाहत होता. त्यामुळं मुलींनी ही तक्रार महिला अधिक्षीकेकडं केली.

सर्व कर्मचाऱ्यांसमोर मांडली तक्रार

महिला अधिक्षिका म्हणाल्या, मुलींनी झालेली घटना सांगितली. त्यावेळी त्या प्रचंड घाबरल्या होत्या. मुलींना विश्वासात घेतल्यानंतर मुलींना घडलेला प्रकार सांगितला. सर्व मुलींनी कर्मचाऱ्यांसमोर ही तक्रार मांडली. मुलींनी लेखी स्वरुपात तक्रार केली आहे. ती पुढं कारवाईसाठी पाठवली आहे.