मानलेल्या आईच्या सांगण्यावरुन बायकोला मारहाण, राष्ट्रवादीच्या बीड महिला जिल्हाध्यक्षावर गुन्हा

मानलेल्या आईच्या सांगण्यावरून पतीने विवाहितेला मारहाण केल्याची घटना समोर आली आहे. बीडमधील अंबाजोगाईत या प्रकार घडला आहे. या प्रकरणी राष्ट्रवादीच्या महिला जिल्हाध्यक्षा संगीता तुपसागर यांच्यासह पीडितेचा पती भुजंग भुतावळे या दोघांविरुद्ध कौटुंबिक हिंसाचाराचा गुन्हा दाखल करण्यात आलाय.

बीडमधील राष्ट्रवादीच्या महिला जिल्हाध्यक्षा Image Credit source: टीव्ही9

Reporter Mahendra Mudholakr | Edited By: Anish Bendre | Updated on: Feb 22, 2022 | 12:26 PM

बीड : मानलेल्या आईच्या सांगण्यावरुन नवऱ्याने बायकोला मारहाण (Physical Assault) केल्याचा धक्कादायक प्रकार उघडकीस आला आहे. या प्रकरणी राष्ट्रवादीच्या महिला जिल्हाध्यक्षावर (Beed NCP) गुन्हा दाखल करण्यात आला आहे. बीड जिल्ह्यातील अंबाजोगाईमध्ये ही घटना घडल्याचं समोर आलं आहे. या प्रकरणी संगीता तुपसागर (Sangeet Tupsagar) यांच्या विरोधात गुन्हा दाखल करण्यात आला आहे. तुपसागर या राष्ट्रवादी काँग्रेस पक्षाच्या बीडमधील महिला जिल्हाध्यक्षा आहेत. त्यांच्यासह पीडितेचा पती भुजंग भुतावळे याच्या विरुद्धही पोलिसात गुन्हा नोंदवण्यात आला आहे. या दोघांविरुद्ध कौटुंबिक हिंसाचाराचा गुन्हा दाखल करण्यात आला आहे. आरोपींमध्ये राष्ट्रवादीच्या महिला जिल्हाध्यक्षांचा समावेश असल्याने राजकीय वर्तुळात एकच खळबळ माजली आहे.

काय आहे प्रकरण?

मानलेल्या आईच्या सांगण्यावरून पतीने विवाहितेला मारहाण केल्याची घटना समोर आली आहे. बीडमधील अंबाजोगाईत या प्रकार घडला आहे. या प्रकरणी राष्ट्रवादीच्या महिला जिल्हाध्यक्षा संगीता तुपसागर यांच्यासह पीडितेचा पती भुजंग भुतावळे या दोघांविरुद्ध कौटुंबिक हिंसाचाराचा गुन्हा दाखल करण्यात आलाय.

संगीता तपसागर ह्या पीडितेची मानलेली सासू आहे. आरोपींमध्ये राष्ट्रवादीच्या महिला जिल्हाध्यक्षांचा समावेश असल्याने राजकीय वर्तुळात एकच खळबळ उडाली आहे. या प्रकरणाचा अधिक तपास अंबाजोगाई शहर पोलीस करत आहेत.