महिलेला अश्लील व्हिडिओ कॉल करणारा तरुण गजाआड, आरोपीच्या पुण्यातून आवळल्या मुसक्या

मुंबई / गोविंद ठाकूर (प्रतिनिधी) : व्हॉट्सअॅपवर महिलांना अश्लील फोटो आणि व्हिडिओ पाठवणाऱ्या एका नराधमाला मुंबईच्या मालाड पोलिसांनी अटक केली आहे. एवढेच नाही तर तो व्हिडिओ कॉल करून महिलांसोबत अश्लील कृत्यही करायचा. पीडित महिलेची तक्रार मिळाल्यानंतर पोलिसांनी आरोपीचा कसून शोध घेत त्याला पुण्यातील इंदोरी भागातून बेड्या ठोकल्या आहेत. योतीराम बाबूराव मन्सूळे असे अटक केलेल्या 27 वर्षीय आरोपीचे नाव आहे. आरोपीविरोधात कलम 66/23 IPC 354 D, 509 r/w IT Act नुसार गुन्हा दाखल करण्यात आला असून, आरोपीची अधिक चौकशी करत आहेत.

महिलांना अश्लील फोटो आणि मॅसेज पाठवायचा

आरोपी महिलांना अश्लील व्हॉट्सअपवर अश्लील फोटो आणि मॅसेज पाठवायचा. मग व्हिडिओ कॉल करुन अश्लील कृत्यही करायचा. याबाबत मालाड परिसरात राहणाऱ्या एका महिलेने मालाड पोलीस ठाण्यात तक्रार दाखल केली होती. महिलेच्या तक्रारीनंतर मालाड पोलिसांनी प्रकरणाचा तपास सुरु केला.

पुण्यात सापळा रचून आरोपीला अटक

तपासादरम्यान आरोपी पुण्यात असल्याची माहिती पोलिसांना मिळाली. मिळालेल्या माहितीनुसार पोलिसांनी पुण्यातील इंदोरी भागात सापळा रचून आरोपीला अटक केली. आरोपीची चौकशी केली असता त्याने तक्रारदार महिलेशिवाय 25 ते 30 महिलांना विविध नंबरवरुन व्हॉट्सअॅप व्हिडिओ कॉल आणि अश्लील मेसेज पाठवल्याचे सांगितले.

हे सुद्धा वाचा

पतीचा खून करून रात्रभर मृतदेहाजवळ बसून होती मुलीसह पत्नी; नेमकं काय घडलं?

मंगला एक्स्प्रेसमध्ये तरुणीवर हल्ला; प्रवाशांमध्ये भीतीचे वातावरण, नेमकं काय घडलं?

व्यावसायिक वादातून अंधेरीत एकावर जीवघेणा हल्ला, तिघांना पोलिसांनी ठोकल्या बेड्या

अप्पर पोलीस आयुक्त उ.प्रा.वि. राजीव जैन, पोलीस उप आयुक्त अजयकुमार बंसल, सहायक पोलीस आयुक्त रेणुका बागडे, वरिष्ठ पोलीस निरीक्षक रविंद्र अडाणे यांच्या मार्गदर्शनाखाली मालाड पोलीस ठाणे सायबर सेल पथकाचे पोउनि धिरज वायकोस, पोलीस शिपाई तौसीफ शेख, पोलीस शिपाई जयंत भरारे यांनी यांनी ही कारवाई केली.