रडत-रडत सुसाईड VIDEO काढला, छळाची ‘आपबिती’ सांगितली, ठाण्यात महिलेची आत्महत्या

सासरच्या जाचाला आणि छळाला कंटाळून ठाण्यातील वर्तकनगर भागात एका विवाहित महिलेने आत्महत्या केल्याची धक्कादायक घटना घडलीय (Thane woman suicide video). विशेष म्हणजे पीडित महिलेने आत्महत्येपूर्वी रडत-रडत एक सुसाईड व्हिडीओ तयार केलाय.

रडत-रडत सुसाईड VIDEO काढला, छळाची 'आपबिती' सांगितली, ठाण्यात महिलेची आत्महत्या


ठाणे : सासरच्या जाचाला आणि छळाला कंटाळून ठाण्यातील वर्तकनगर भागात एका विवाहित महिलेने आत्महत्या केल्याची धक्कादायक घटना घडलीय (Thane woman suicide video). विशेष म्हणजे पीडित महिलेने आत्महत्येपूर्वी रडत-रडत एक सुसाईड व्हिडीओ तयार केलाय. त्यात तिला पती आणि सासरच्या लोकांकडून कसा त्रास दिला जातोय हे सांगितलंय. तिने आत्महत्येपूर्वी हा व्हिडीओ आपल्या जवळच्या मैत्रिणींना पाठवल्यानं याबाबत माहिती समोर आलीय. या व्हिडीओत पीडितेने तिला लग्नानंतर मागील 11 वर्षांपासून कसा त्रास सहन करावा लागतोय याविषयी सांगितलंय.

पीडित महिलेने सुसाईड व्हिडीओत नेमकं काय म्हटलं?

पीडितेने आपल्या सुसाईड व्हिडीओमध्ये म्हटलं आहे, “मी आजारी असेल तर नवरा मेली तरी चालेल असं म्हणत दवाखान्यात नेत नाही. असे प्रसंग मागील काळात अनेकदा झालेत. सासरचे व्यक्तिगत खर्चासाठी पैसे मागितले तर एक रुपयाही देत नाहीत. त्यामुळे मी स्वकमाईसाठी बचत करुन एक शिलाई मशीन घेतली. पण सासरचे या मशिनवरही काम करुन देत नाही. तुला घरात कपडे आणि जेवण मिळत नाही का? असं म्हणत ते शिलाई मशिनवर काम करायला मनाई करतात.”

“समाजासमोर गोडगोड बोलतो, मात्र घरात छळ”

“मी नवऱ्यासोबत मागील 11 वर्षांपासून राहतेय, पण या काळात हे सर्व सहन करावं लागलंय. नवरा केवळ त्याचा स्वतःचा विचार करतो. समाजासमोर माझ्याशी वरवर खूप चांगलं बोलतो आणि चांगलं वागतो असं दाखवतो. मात्र, घरात कायम छळ करतो,” असंही पीडितेने नमूद केलं. विशेष म्हणजे या महिलेने आत्महत्येचा निर्णय घेतल्यानं आपल्या आई-वडिलांची माफीही मागितलीय. हा व्हिडीओ समोर आल्यानंतर ठाण्यातील प्रतापनगर पोलिसांनी तात्काळ तपासाला सुरुवात केलीय.

हेही वाचा :

आई गळफास घेऊन पंख्याला लटकली, चिमुकले रडत बंगल्याबाहेर आले, जळगावातील मन हेलावणारी घटना

सात वर्षांच्या दत्तक मुलीसह नदीत उडी, कोल्हापुरात मायलेकीची आत्महत्या

साताऱ्यातील धक्कादायक घटना, मातेने पोटच्याच लेकरांना संपवलं, जन्मदाती आईने इतक्या टोकाचा निर्णय का घेतला?

व्हिडीओ पाहा :

Married woman suicide explain domestic abuse by husband in video in Thane

Read Full Article

Click on your DTH Provider to Add TV9 MARATHI