नाशिकमध्ये प्रेम संबंधांतून तरुणावर धारदार शस्त्रानं सपासप वार! हल्ल्यात तरुण गंभीर जखमी, तिघांना अटक
Nashik attack on boy news : प्रवीण रावळा जाधव हा युवक घरी जेवण करत असताना तक्रारदार तरुणीचा भाऊ आणि दोघे साथीदार अशा एकूण तिघांनी प्रवीणवर हल्ला केला. धारदार शस्त्राने प्रवीणच्या हातावर आणि पोटावर वार केला
नाशिक : प्रेमसंबंधातून तरुणाला जिवंत जाळण्याची घटना नाशिकमध्ये (Nashik Crime) ताजी असतानाच आता आणखी एक धक्कादायक घटना समोर आली आहे. नाशकात एका तरुणावर धारदार शस्त्रानं वार (Nashik attack on boy) करण्यात आले आहेत. या जीवघेण्या हल्ल्यात तरुण गंभीर जखणी झाला आहे. नाशिकच्या निफाड तालुक्यातील लासलगाव जवळील पिंपळगावाच्या जवळ ही धक्कादायक घटना उघडकीस आली आहे. या प्रकरणामुळे नाशिकमध्ये एकच खळबळ उडाली आहे. काही दिवसांपूर्वीच नाशिकच्या देवळा तालुक्यातील लोहणेर येथे प्रेमसंबंधातून (Nashik Love affaire crime) तरुणाला जिवंत जाळण्यात आलं होतं. यामध्ये तरुणाचा मृत्यू झाला होती. ही घटना ताजी असतानाच आता आणखी एक धक्कादायक घटना समोर आल्यानं खळबळ उडाली आहे. प्रवीण रावळा जाधव असं जखमी झालेल्या युवकाचे नाव आहे. या युवकावर नाशिक येथील जिल्हा शासकीय रुग्णालयात उपचार सुरु आहेत. याप्रकरणी लासलगाव पोलीस ठाण्यात तिघांवर गुन्हा दाखल झालाय. या युवकावरही विनयभंग केल्याप्रकरणी तरुणीने दाखल केलेल्या फिर्यादीनुसार गुन्हा दाखल करण्यात आलाय.
नेमकं प्रकरण काय?
निफाड तालुक्यातील लासलगाव जवळील पिंपळगाव नजीक येथील नंदावननगर इथल्या एका तरुणीला धमकावलं होतं. प्रवीण रावळा जाधव या युवकाने 21 वर्षीय तरुणीच्या घरी सोमवारी रात्रीच्या सुमारास जाऊन गोंधळ घातला होता. ‘तुझ्या आईने माझ्याविरोधात पोलीस ठाण्यात गुन्हा दाखल करण्याची धमकी दिली आहे. तुझ्या नातेवाईकांच्या विरोधात जातीवाचक गुन्हा दाखल करेन’ असा इशारा प्रवीणनं दिला होता.
इतकंच काय तर 21 वर्षीय तरुणीचे हात धरून लज्जास्पद कृत्य केल्याचाही आरोप करण्यात आला होते. पीडित मुलीच्या आई आणि भावास शिवीगाळ दमदाटी केल्याने तरुणीनं पोलिसांत तक्रार दाखल केली होती. या तक्रारीवरुन लासलगाव पोलीस ठाण्यात गुन्हाही दाखल करण्यात आला होता.
कसा झाला हल्ला?
दरम्यान, प्रवीण रावळा जाधव हा युवक घरी जेवण करत असताना तक्रारदार तरुणीचा भाऊ आणि दोघे साथीदार अशा एकूण तिघांनी प्रवीणवर हल्ला केला. धारदार शस्त्राने प्रवीणच्या हातावर आणि पोटावर वार केल्याची घटना सोमवारी रात्रीच्या दरम्यान घडली. या हल्ल्यात प्रवीण गंभीर जखमी झाला. जखमी झालेल्या प्रवीणला लासलगाव येथील ग्रामीण रुग्णालयात प्राथमिक उपचाराठी नेण्यात आलं. त्यानंतर पुढील उपचारासाठी प्रवीणला नाशिक येथील जिल्हा शासकीय रुग्णालयात दाखल करावं लागलं होतं. त्यामुळे या तरुणाचा जीव थोडक्यात बचावलाय.
अधिक तपास सुरु!
या हल्ल्याप्रकरणी आता सीमा रावळा जाधव यांनी पोलिसांत तक्रा दिली आहे. प्रथमेश कैलास सरोदे, शुभम कैलास सरोदे आणि दीपक अजय नवले या तिघांवर हल्ला केल्याचा आरोप करण्यात आला आहे. प्रवीणचे 21 वर्षीय तरुणीसोबत प्रेम संबंधाची असल्याकारणामुळे त्याला जीवे मारण्याची धमकी देत धारदार शस्त्राने हातावर आणि पोटावर वार केल्याचा आरोप तक्रारीत करण्यात आला आहे. पोलिसांनी याप्रकरणी तिघांवर
संबंधित बातम्या :
Buldhana Suicide : बुलढाण्यात विहिरीत उडी घेऊन प्रेमीयुगुलाची आत्महत्या, गोशिंग शिवारातील घटना
