Amaravati Accident : अमरावतीत तीन वाहनांचा विचित्र अपघातात, घटनेत 1 ठार तर 19 जखमी; पाच जणांची प्रकृती चिंताजनक
सदर अपघातात जखमी व गंभीर असलेल्यांना अमरावती येथील जिल्हा सामान्य रुग्णालयात हलविण्यात आले आहे. जखमींमध्ये लहान बालकांचा सुद्धा समावेश आहे. या अपघातातील जखमींपैकी 5 ते 6 जणांची प्रकृती चिंताजनक आहे.
अमरावती : अमरावती जिल्ह्यातील अंजनगाव ते अकोट महामार्गावर आज तीन वाहनांच्या विचित्र अपघाता (Accident)त एक इसम जागीच ठार (Death) झाला असून, 19 प्रवासी गंभीर जखमी (Injured) झाले आहेत. जखमींपैकी पाच जणांची प्रकृती चिंताजनक असल्याचे समजते. विशाल रामदास पवार (35, रा. माळीपुरा अंजनगाव सूर्जी) असे अपघातात मृत्यू झालेल्या व्यक्तीचे नाव आहे. सदर अपघातात जखमी व गंभीर असलेल्यांना अमरावती येथील जिल्हा सामान्य रुग्णालयात हलविण्यात आले आहे. जखमींमध्ये लहान बालकांचा सुद्धा समावेश आहे. या अपघातातील जखमींपैकी 5 ते 6 जणांची प्रकृती चिंताजनक आहे. जखमींना अमरावती जिल्हा रुग्णालय, ऊपजिल्हा रुग्णालय परतवाडा, अकोला येथे हलवण्यात आले आहे. प्रवाशी मिळविण्याच्या स्पर्धेत सदर अपघात झाल्याची चर्चा नागरिंकामध्ये होती.
अपघातातील जखमींची नावे
शेख आसीफ शेख आदिल (20, रा. अंजनगाव) आसम शहा मिराकीसन शहा (60, रा. अकोला) सुखाबाई रामचंद्र राऊत (50, रा. अंजनगाव) गुलाब मेश्राम (50, रा. करोडा मध्य प्रदेश) सुफीयन शहा (8, रा. अकोला) आशिया बी शफाकत शहा (40, रा. दर्यापूर) अरमान शरफकन (15, रा. अकोला) अनुसया शंकर भावे (65, रा. अंजनगाव) मो. अफजद मो मुस्ताक (50, रा. अकोट) रहिमा बी कासम शहा (50, रा. अकोला) मुदरसींग शहा समयत शहा (15, रा. अकोला) आसमा परविन मजवर शहा (29, रा. अकोला) फतीमा बी मो अफजद (40, रा. अकोट) अलिया बी शफाकन शहा (13, रा. अकोला) सुशीला वासुदेव शिनकर (65, रा. अंजनगाव) मायरा फिरदोस (6, रा. अकोला) श्रीहरी राऊत (31, रा. हिवरखेड) ओम निलेश निमकाळे (15, रा. भंडारज अजनगाव)
आज बाजाराचा दिवस असल्यामुळे अंजनगाव ग्रामीण रुग्णालयात मोठ्या संख्येने नागरिकांची गर्दी झाली होती. ग्रामिण रुग्णालयात वैद्यकीय अधिकारी व कर्मचारी यांनी जखमींवर उपचार केले. जखमींना भंडारज येथून मिळेल त्या वाहनाने ग्रामिण रुग्णालयात पोहचवण्याचे काम सुरु होते. मात्र आज बाजाराचा दिवस असल्याने त्यातही रस्त्यावर बाजार भरत असल्यामुळे रुग्णांना रुग्णालयात आणण्यात व अमरावती येथे पोहचवण्यात रुग्णाच्या नातेवाईकांना मोठा मनस्ताप सहन करावा लागाला. या रस्त्यावर तसेही नेहमी अवैध प्रवासी वाहने उभी राहत असल्यामुळे रुग्वाहिकेलाही अडथळा निर्माण होतो. (One killed, 19 injured in three-vehicle accident in Amravati)
