वैयक्तिक कामासाठी हवालदार घरी आला, गळा चिरुन हत्या, शत्रूचा घाट की नक्षली समर्थकांचं कृत्य?
वैयक्तिक कामानिमित्त स्व:तच्या घरी आलेल्या पोलीस हवालदाराचा गळा कापून खून केल्याची धक्कादायक घटना घडली आहे.
गडचिरोली : वैयक्तिक कामानिमित्त स्व:तच्या घरी आलेल्या पोलीस हवालदाराचा (Police constable) गळा चिरून खून केल्याची धक्कादायक घटना घडली आहे. गडचिरोली जिल्ह्यातील नागेपल्ली येथे हा प्रकार घडला. जगन्नाथ सिडाम असे हत्या झालेल्या हवालदाराचे नाव असून ते भामरागड तालुक्यातील धोडराज येथे कार्यरत होते. सिडाम यांची हत्या करुन आरोपी पसार झाले असून पोलीस त्यांचा सोध घेत आहेत. (Police constable murdered by unknown person in Gadchiroli District)
वैयक्तिक कामासाठी हवालदार स्वतःच्या घरी आले
मिळालेल्या माहितीनुसार जगन्नाथ सिडाम हे भामरागड तालुक्यातील धोडराज येथे कार्यरत होते. आज (5 जुलै) पहाटे ते वैयक्तिक कामासाठी नागेपल्ली येथे त्यांच्या स्वतःच्या घरी आले. आलापल्ली या मुख्य शहराला लागून नागेपल्ली हा भाग आहे.
अज्ञात व्यक्तींनी हल्ला केला
मात्र, भल्या पहाटे घरी आल्यानंतर काही अज्ञात व्यक्तींनी त्यांच्यावर हल्ला केला. तसेच हल्ला करुन त्यांचा गळा चिरला. या गंभीर हल्ल्यामध्ये हवालदार सिडाम हे गंभीर जखमी झाले. अचानकपणे केलेल्या या हल्ल्यामुळे एकच खळबळ ऊडाली.
हवालदाराचा कोणी शत्रू आहे का ? की कोण्या नक्षल समर्थकाचे हे काम ?
ही घटना घडल्यानंतर सिडाम यांना उपचारासाठी चंद्रपूरमध्ये हलवण्यात आले. मात्र उपचारादरम्यान त्यांचा मृत्यू झाला. दरम्यान, सिडाम यांच्या हत्येनंतर त्यांच्या कुटुंबीयांवर शोककळा पसरली असून हल्ला करणारी व्यक्ती हवालदाराचा कोणी शत्रू आहे का ? की तो कोणी नक्षल समर्थक आहे, याचा पोलीस शोध घेत आहेत. या प्रकरणाचा पुढील तपास उपविभागीय पोलीस अधिकारी करीत आहेत.
इतर बातम्या :
दरोड्यासाठी गावठी कट्टा, कोयता, सुरीचा उपयोग; मनसेच्या पदाधिकाऱ्यासह 4 जणांना बेड्या
दरोड्यासाठी गावठी कट्टा, कोयता, सुरीचा उपयोग; मनसेच्या पदाधिकाऱ्यासह 4 जणांना बेड्या https://t.co/WtTqxwCqVr#MNS | #Pune | #PuneCrime
— TV9 Marathi (@TV9Marathi) July 5, 2021
(Police constable murdered by unknown person in Gadchiroli District)