औषधांमुळे डुलकी, अभिनेते हेमंत बिर्जेंच्या कारची दुभाजकाला धडक, पुणे-मुंबई एक्स्प्रेस वेवर भीषण अपघात
हेमंत बिर्जे यांना सर्दी झाली असल्याने त्यांनी औषधाच्या गोळ्या घेतल्या होत्या. त्यामुळे त्यांना उर्से टोल नाक्याच्या आधी झोप अनावर झाली आणि त्यांचा वाहनावरील ताबा सुटला. त्यांची गाडी दुभाजकाला धडकली आणि त्यामुळे कारचे मोठे नुकसान झाले.
पिंपरी चिंचवड : कारवरील नियंत्रण सुटल्यामुळे अभिनेते हेमंत बिर्जे (Actor Hemant Birje) आणि त्यांच्या कुटुंबीयांना पुणे मुंबई द्रुतगती महामार्गावर अपघात (Pune Mumbai Express Way Car Accident) झाला. यामध्ये बिर्जे यांच्यासह त्यांची पत्नी अमना हेमंत बिर्जे आणि कन्या रेश्मा तारिक अली खान यांना दुखापत झाल्याची माहिती आहे. तिघांनाही उपचारासाठी खाजगी रुग्णालयात दाखल करण्यात आले असून हेमंत बिर्जे यांची प्रकृती स्थिर आहे. अपघाताच्या वेळी खुद्द हेमंत बिर्जेच कार चालवत होते. औषधाच्या सेवनामुळे त्यांना गाडी चालवताना झोप अनावर झाल्याची माहिती आहे. नियंत्रण सुटल्यामुळे गाडी पुणे मुंबई द्रुतगती महामार्गवरील दुभाजकाला धडकून भीषण अपघात झाला. यामध्ये कारचे मोठे नुकसान झाल्याचं समोर आलं आहे. ‘टारझन’ (Tarzan) या हिंदी चित्रपटातील भूमिकेमुळे अभिनेते हेमंत बिर्जे लोकप्रिय झाले.
नेमकं काय घडलं?
अभिनेते हेमंत बिर्जे हे सध्या पुण्यातील धानोरी भागात वास्तव्यास आहेत. ते दोन दिवसांपूर्वी आपल्या मोठ्या मुलीला भेटण्यासाठी मुंबईला गेले होते. भेट झाल्यावर मंगळवारी संध्याकाळी 5 वाजताच्या सुमारास ते मुंबईवरुन पुण्याला स्वतःच्या वाहनाने निघाले होते. हेमंत बिर्जे हे स्वतः वाहन चालवत होते.
सर्दीच्या औषधामुळे डुलकी लागली
हेमंत बिर्जे यांना सर्दी झाली असल्याने त्यांनी औषधाच्या गोळ्या घेतल्या होत्या. त्यामुळे त्यांना उर्से टोल नाक्याच्या आधी झोप अनावर झाली आणि त्यांचा वाहनावरील ताबा सुटला. त्यांची गाडी दुभाजकाला धडकली आणि त्यामुळे कारचे मोठे नुकसान झाले.
बिर्जेंसह कुटुंबीयांना किरकोळ दुखापत
या अपघातात हेमंत बिर्जे याना मुका मार लागला असून त्यांची पत्नी अमना बिर्जे यांच्या चेहऱ्यावर जखम झाली आहे. तर मुलगी रेश्मा तारिक अली खान यांना सुद्धा किरकोळ जखम झाली आहे.
अपघातानंतर घटनास्थळी शिरगाव पोलीस दाखल झाले होते. त्यांनी जखमींना खासगी रुग्णालयात दाखल केले. या अपघातामुळे काही काळ एका लेनवरील वाहतूक विस्कळीत झाली होती.
संबंधित बातम्या :
वर्ध्यातील ‘त्या’ गृहरक्षक तरुणीचा उपचारादरम्यान मृत्यू, आत्महत्येचे कारण अद्याप गुलदस्त्यात
‘आई आता आपण काय करायचं गं?’ अपघातात दगावलेल्या सलीलच्या मुलाचा सवाल, कुटुंब संकटात!
‘तुम्ही दोघं आधी टेलिग्राम ग्रूपमध्ये ऍड व्हा, मग स्वॅपिंगसाठी…’ पोलिसांनी सांगितली मोड्स ओपरेंडी
