पगार नाही मिळाला तर काय कराल? सांगलीत कर्मचाऱ्यांनी जे केलं, त्याने सगळेच चकीत!
सांगलीत अजब प्रकार! पगार मिळाला नाही म्हणून कर्मचाऱ्यांनी नेमकं असं केलं तरी काय?
शंकर देवकुळे, TV9 मराठी, सांगली : मालकाने पागर दिला नाही, म्हणून कामगारांनी चक्क तिजोरीच उचलून नेली. सांगली जिल्ह्यातील्या विटामध्ये (Vita, Sangli) घडलेल्या या अजब चोरीप्रकरणी सगळ्यांनीच आश्चर्य व्यक्त केलंय. दोघा चोरट्यांना याप्रकरणी पोलिसांनी (Sangli crime News) अटक केली आहे. विटा पोलिसांनी (Vita Police) या चोरीप्रकरणी धडक कारवाई केली. 8 लाखापेक्षाही जास्तीची चोरी दोघांनी केल्याचं पोलिसांच्या तपासात उघड झालंय.
सांगलीतील विटामध्ये सध्या एका अजब चोरीची चर्चा जोरात रंगलीय. 9 ऑक्टोबरला शिवाजी नगर इथं असलेल्या जिओ मार्ट ऑनलाईन सेंटरमध्ये चोरी झाली होती. या चोरीमुळे आजूबाजूच्या दुकानांमध्ये दहशत पसरली होती. तर संपूर्ण विटामध्ये खळबळ उडाली होती.
चोरट्यांनी जिओ मार्ट ऑनलाईन सेंटर दुकानाचं शटर फोटलं होतं. त्यानंतर सेंटरच्या आत प्रवेश करुन तब्बल 8 लाख 20 हजार रुपयांचा मुद्देमाल लंपास केला होता. आश्चर्याची बाब म्हणजे चोरट्यांनी चक्क तिजोरीच उचलून नेत तब्बल 7 लाख 80 हजार रुपयांची रोकडही लंपास केली होती.
पाहा लाईव्ह घडामोडी :
याप्रकरणी विटा पोलिसात तक्रार दाखल करण्यात आली होती. विटा येथील उपलविभागीय पोलीस अधिकारी पद्मा कदम आणि पोलीस निरीक्षक संतोष डोके यांच्या मार्गदर्शनाखाली पोलिसांच्या पथकानं या प्रकरणाचा तपास सुरु केला होता. या तपासादरम्यान, पोलिसांनी दोघा जणांना अटक केली. त्यांच्या तपासातून दोघेही आरोप 21 वर्षांचे असून ते बलवडी इथं राहणारे आहेत.
दुकानातीलच कुणीतरी चोरी केल्याचा संशय पोलिसांना होता. त्या अनुषंगाने तपास केला असता, अखेर आरोपींपर्यंत पोहोचण्याच पोलिसांना यश आलंय. मनिष देवदास झेंडे, वय 21 आणि पवन मधुकर झेंडे, वय 21 अशा दोघांना पोलिसांनी अटक करण्यात आलीय. या चोरी प्रकरणी पोलिसांनी रोख रकमेसह, एक दुचाकी आणि एक कपाटही जप्त केलंय. आरोपींनीही गुन्ह्याची कबुलीही दिलीय. सदर गुन्ह्यातील दोन्ही आरोपींनी पोलीस न्यायालयासमोर हजर त्यांच्या पोलीस कोठडीची मागणी करणार आहेत.
