Pune : पुण्यात जाब विचारण्यासाठी गेलेल्या महिलेला लघवी पाजण्याचा प्रयत्न, आठ जणांवर गुन्हा दाखल

पुणे – पिंपरीमध्ये (Pimpri)आम्हाला शिवीगाळ का केली याचा विचारण्यासाठी गेलेल्या महिलेला जबर मारहाण (Beating women) केली आहे. तसेच मारहाण करून लघवी पाजण्याचा प्रयत्न देखील केला असल्याची तक्रार पोलिस स्टेशनमध्ये (Police station) दाखल झाली आहे. महिला सासऱ्यासोबत चुलत सासऱ्यांकडे जाब विचारण्यासाठी गेली होती. त्यावेळी दोघांना मारहाण केल्याची माहिती पोलिस तक्रारी असल्याचं पोलिसांनी सांगितलं आहे. तसेच या प्रकरणात चार महिलांसह आठ जणांवरती गुन्हा दाखल झाला असून पोलिस अधिक चौकशी करणार आहेत. ही घटना 15 मे रोजी सुसगावात घडली आहे.

जाब विचारल्याने मारहाण केली

शनिवारी झालेल्या प्रकाराबाबत पीडित महिलेने हिंजवडी पोलिस स्टेशनमध्ये सगळी घटना सांगितली. पीडित महिला तिच्या सासऱ्यासोबत चुलत सासऱ्यांकडे गेली होती. पीडीत महिलेने आम्हाला शिवीगाळ का करीत आहात असा जाब त्यांनी विचारला. त्यावेळी संतप्त झालेल्या आरोपींनी पीडीत महिला आणि सासऱ्याला काठी, चप्पल आणि लाथाबुक्क्यांनी मारहाण केली. तसेच एका बाटलीमध्ये लघवी जमा करून ती पीडित महिलेला पाजण्याचा प्रयत्न केला. महिलेच्या मनाला लज्जा प्राप्त होईल असं कृत्य आरोपींनी केले आहे असे पीडीत महिलेने तक्रारीत म्हटले आहे.

महिलेच्या मनाला लज्जा प्राप्त होईल असं कृत्य

आरोपींकड़ून महिलेच्या मनाला लज्जा प्राप्त होईल असं कृत्य केलं आहे. त्यामुळे पोलिस या प्रकरणात आरोपींवरती कशा पद्धतीने कारवाई करणार याकडे सगळ्यांचे लक्ष लागले आहे.

तसेच पूर्वी वाद कशामुळे लागला होता, याची देखील पोलिस चौकशी करणार आहेत.