वसईत कोरोनाच्या नावावर औषध विक्री, 2 डॉक्टरांवर गुन्हा दाखल

वसई : देशभरात कोरोना विषाणूने धुमाकूळ घातला आहे. दिवसेंदिवस कोरोनाच्या रुग्णांमध्ये वाढ होत (Vasai Doctor fraud with patient) आहे. त्यामुळे नागरिकांमध्ये भीतीचे वातावरण आहे. याचदरम्यान वसईतील दोन डॉक्टर नागरिकांच्या भीतीचा फायदा घेत फसवणूक करत आहेत. डॉक्टरांनी आमच्याकडे कोरोनावर औषध असल्याचा दावा केला आहे. त्यामुळे पोलिसांनी या दोन्ही डॉक्टरांवर गुन्हा दाखल केला आहे. डॉ. सरवर खान आणि डॉ. सुभाषचंद्र एल. यादव अशी या डॉक्टरांची (Vasai Doctor fraud with patient) नावं आहेत.

नागरिकांची फसवणूक होत असल्यामुळे सध्या राज्यात आपत्ती व्यवस्थापन अधिनियम 2005 नुसार कोरोनाविषयी अफवा पसरवण्यास प्रतिबंध केला आहे. त्यानुसार वसईतील डॉक्टरांवर कारवाई करण्यात आली.

डॉ. सरवर खान यांनी ‘आमच्याकडे कोरोना विषाणूवर औषध उपलब्ध आहे’, असा बोर्ड लावला होता. तर डॉ. सुभाषचंद्र यादव यांनीही ‘आमच्याकडे कोरोना विषाणूवर औषध मिळते’, असा बोर्ड लावला होता. एक डोस 100 रुपयाला अशी पत्रकं भिंतींवर चिटकवले होते. या दोन्ही डॉक्टरांविरोधात गुन्हा दाखल केला आहे.

दरम्यान, कोरोना विषाणूवर आमच्या येथे उपचार केले जातील असा दावा आतापर्यंत अनेकांनी केला आहे. उत्तर प्रदेशातही एक भोंदू बाबा 11 रुपयाचे लॉकेट लोकांना विकत होता आणि हे लॉकेट कोरोनावर उपचार करते, असा दावा करत होता. तर एका फर्निचर कंपनीने आमच्या गादीवर झोपा आणि कोरोना पळवा असा दावा केला होता. या दोघांवरही पोलिसांकडून कारवाई करण्यात आली आहे.

संबधित बातम्या :  

Corona Effect | पुण्यात अमृततुल्य चहाची दुकान दोन दिवस बंद, दारु विक्रीवरही 31 मार्चपर्यंत बंदी

11 रुपयांचे लॉकेट विकून फसवणूक, उत्तर प्रदेश पोलिसांकडून कोरोना बाबाला अटक