JEE MAIN 2021| जेईई मेन एप्रिल मे सत्राच्या परीक्षेसाठी अर्ज करण्यास मुदतवाढ

नॅशनल टेस्टिंग एजन्सीतर्फे घेण्यात येणाऱ्या JEE MAIN 2021 च्या एप्रिल आणि मे सत्रासाठी अर्ज करण्याची मुदत वाढवण्यात आली आहे.

जेईई मेन्सच्या अंतिम सत्राची परीक्षा 26 ऑगस्टपासून सुरू होणार

Yuvraj Jadhav | Updated on: Mar 29, 2021 | 10:47 AM

NTA JEE MAIN 2021 APPLICATION नवी दिल्ली : नॅशनल टेस्टिंग एजन्सीतर्फे घेण्यात येणाऱ्या JEE MAIN 2021 च्या एप्रिल आणि मे सत्रासाठी अर्ज करण्याची मुदत वाढवण्यात आली आहे. ज्या विद्यार्थ्यांनी अद्याप अर्ज केले नसतील त्यांना एनटीएकडून आणखी एक संधी देण्यात आली आहे. विद्यार्थ्याना परीक्षेसाठी अर्ज करायचा असल्यास त्यानी jeemain.nic.in या वेबसाईटला भेट देऊन नोटीस वाचावे. ऑनलाईन पद्धतीनं अर्ज करण्यासाठी 4 एप्रिलपर्यंत मुदत देण्यात आली आहे. परीक्षा शुल्क भरण्याची अंतिम मुदत 5 एप्रिल ठेवण्यात आली आहे. (JEE Main April May session application last date extended to 4 April)

B.Arch आणि B.Planning च्या विद्यार्थ्यांना विशेष सूचना

नॅशनल टेस्टिंग एजन्सीतर्फे B.Arch आणि B.Planning च्या विद्यार्थ्यांना विशेष सूचना देण्यात आली आहे. B.Arch आणि B.Planning च्या विद्यार्थ्यांनी मे सत्रातील परीक्षेला अर्ज करण्याचे आवाहन करण्यात आले आहे. कारण एप्रिल सत्रातील परीक्षा केवळ B.E. आणि B.Tech साठी पेपर आयोजित केला जाणार आहे.

अर्ज दाखल करण्यास पुन्हा मुदतवाढ नाही

विद्यार्थ्यांना 4 एप्रिलपर्यंत अर्ज करण्याची संधी देण्यात आली आहे. ज्या विद्यार्थ्यांनी अर्ज भरलेले नाहीत त्यांनी 4 एप्रिलपूर्वी अर्ज भरावेत. ज्या विद्यार्थ्यांनी यापूर्वी अर्ज केले आहेत, त्यांना 4 एप्रिलपर्यंत अर्जात दुरुस्ती करण्याची संधी आहे. NTA JEE Main April 2021 परीक्षा 27 एप्रिल ते 30 एप्रिल दरम्यान आयोजित केली जाणार आहे. NTA JEE Main May 2021 परीक्षा 24 ते 28 मे या दरम्यान आयोजित केली जाईल. विद्यार्थ्यांना परीक्षेचे प्रवेशपत्र jeemain.nic.in या वेबसाईटवर उपलब्ध होईल.

मातृभाषेत परीक्षा

नव्या शिक्षण धोरणानुसार जेईई मेन 2021 सत्राची परीक्षा इंग्रजी आणि हिंदी भाषेसह तेलुगू, तामिळ, पंजाबी, उर्दू, ओडिशा, मराठी, मल्याळम, कन्नड, बंगाली, आमामी आणि गुजराती भाषेमध्ये घेतली जात आहे.

पवार-शहांची भेट झाली तर चूक काय?; संजय राऊतांची सावध प्रतिक्रियाhttps://t.co/GEc2Boaprg #SanjayRaut | #sharadpawar | #AmitShah | #ncp | #bjp | #maharashtrapolitics

— TV9 Marathi (@TV9Marathi) March 29, 2021