UPSC, NDA, NA परीक्षेसाठी लगेच करा अर्ज, फीस, किती जागा? जाणून घ्या

UPSC NDA & NA I Exam 2025 Registration : तुम्ही स्पर्धा परिक्षांची तयारी करत असाल तर ही बातमी नक्की वाचा. केंद्रीय लोकसेवा आयोगाने UPSC, NDA आणि NA परीक्षा 2025 साठी अधिसूचना जारी करण्यात आली आहे. या परीक्षेसाठी अर्ज करू इच्छिणाऱ्या उमेदवारांना 7 जानेवारीपर्यंत ऑनलाईन अर्ज करता येणार आहे.

जे उमेदवार राष्ट्रीय संरक्षण अकादमी आणि नौदल अकादमी परीक्षा ( प्रथम ), 2025 साठी अर्ज करू इच्छितात ते यूपीएससी upsc.gov.in च्या अधिकृत वेबसाईटवर जाऊन अर्ज करू शकतात.

अर्ज करण्याची शेवटची तारीख किती?

राष्ट्रीय संरक्षण अकादमी आणि नौदल अकादमी परीक्षा (प्रथम), 2025 साठी ऑनलाइन अर्ज करण्याची शेवटची तारीख 31 डिसेंबर 2024 आहे.

नोंदणीत बदल करण्याची शेवटची तारीख 7 जानेवारी 2025 असेल. उमेदवार 1 जानेवारी 2025 ते 7 जानेवारी 2025 या कालावधीत अर्जात दुरुस्ती करू शकतात. ही परीक्षा 13 एप्रिल 2025 रोजी होणार आहे.

हॉलतिकीट कधी येणार?

पात्र उमेदवारांना परीक्षेच्या तारखेपूर्वी आठवड्याच्या शेवटच्या कार्यदिवशी ई-प्रवेशपत्र (हॉलतिकीट) जारी केले जाईल. उमेदवारांना डाउनलोड करण्यासाठी ई-प्रवेशपत्र यूपीएससीच्या वेबसाईटवर (upsconline.gov.in) उपलब्ध करून दिले जाईल.

रिक्त पदांचा तपशील

भरती प्रक्रियेद्वारे एकूण 406 रिक्त पदे भरली जाणार आहेत.

सेना – 208 (महिला उमेदवारांसाठी 10 सह)

नौदल – 42 (महिला उमेदवारांसाठी 6 सह)

हवाई दल – 92 (महिला उमेदवारांसाठी 02 सह)

ग्राउंड ड्युटी (टेक) – 18 (महिला उमेदवारांसाठी 02 सह)

ग्राउंड ड्युटी (नॉन टेक्निकल) – 10 (महिला उमेदवारांसाठी 02 सह)

नौदल अकादमी (10+2 कॅडेट प्रवेश योजना) – 36 (महिला उमेदवारांसाठी 05 सह)

वयोमर्यादा किती?

केवळ अविवाहित पुरुष / महिला उमेदवारपात्र आहेत, त्यांचा जन्म 2 जुलै 2006 पूर्वी आणि 01 जुलै 2009 नंतर नाही.

अर्ज शुल्क किती?

उमेदवारांना (नोट 2 मध्ये एससी / एसटी उमेदवार / महिला उमेदवार / जेसीओएस / एनसीओ / ओआरचे मुले वगळता, (ज्यांना शुल्क भरण्यापासून सूट देण्यात आली आहे) स्टेट बँक ऑफ इंडियाच्या कोणत्याही शाखेत रोख रक्कम जमा करून किंवा व्हिसा / मास्टर / रुपे क्रेडिट / डेबिट कार्ड / यूपीआय पेमेंट वापरुन किंवा कोणत्याही बँकेच्या इंटरनेट बँकिंगचा वापर करून रु.100/- (फक्त शंभर रुपये) शुल्क भरावे लागेल.