Kolhapur Lok Sabha Results : कोल्हापूर लोकसभा निकाल 2019

कोल्हापूर जिल्ह्यात लोकसभेचे दोन मतदारसंघ आहेत. एक म्हणजे कोल्हापूर आणि दुसरा म्हणजे हातकणंगले.

कोल्हापूर लोकसभा निकाल – Kolhapur Lok Sabha Results : कोल्हापूर लोकसभा मतदार संघात देशातील तिसऱ्या टप्प्यात म्हणजे 23 एप्रिल रोजी मतदान झालं. लोकसभा निवडणुकीत याठिकाणी 70.70 टक्के मतदान झालं. 2014 च्या लोकसभा निवडणुकीच्या तुलनेत या मतदारसंघात मतदानाच्या टक्केवारीत फारसा फरक जाणवला नाही. कारण गेल्यावेळी याच मतदार संघात 71.04 टक्के इतकं मतदान झालं होतं. लोकसभा निवडणुकीसाठी राष्ट्रवादीकडून विद्यमान खासदार धनंजय महाडिक आणि शिवसेनेचे संजय मंडलिक यांच्यात लढत होत आहे.

हातकणंगले लोकसभा निकाल – Hatkangale Lok Sabha Results : हातकणंगले मतदारसंघात तिसऱ्या टप्प्यात 23 एप्रिल रोजी मतदान झालं. या लोकसभा निवडणुकीत हातकणंगलेमध्ये 70.28 टक्के इतकं मतदान झालं. मात्र 2014 सालच्या लोकसभा निवडणुकीच्या तुलनेत दोन टक्के मतदान कमीच झाले. 2014 साली याठिकाणी 72.09 टक्के इतकं मतदान झालं होतं. खरं तर यावेळी मतदानाचा टक्का वाढणं अपेक्षित होतं. या मतदारसंघात एका बाजूला अनुभवी, दोनदा खासदार झालेले राजू शेट्टी आघाडीकडून रिंगणात होते. तर दुसऱ्याबाजूला पाच वेळा या मतदारसंघाचं नेतृत्व केलेल्या माने घराण्यातील धैर्यशील माने यांनी शिवसेनेच्या तिकिटावर युतीकडून निवडणूक लढवली.