Thane Loksabha Results : ठाणे लोकसभा निकाल 2019

ठाणे जिल्ह्यात एकूण तीन लोकसभा मतदारसंघांचा समावेश होते. यात ठाणे, कल्याण आणि भिवंडी असे तीन मतदारसंघ येतात.

ठाणे लोकसभा निकाल – Thane Lok Sabha Results : ठाणे लोकसभा मतदारसंघात चौथ्या टप्प्यात 29 एप्रिलला मतदान झालं. इथे यंदा 50 टक्के मतदानाची नोंद झाली. ठाणे लोकसभा मतदारसंघात शिवसेनेकडून राजन विचारे विरुद्ध राष्ट्रवादी काँग्रेसचे आनंद परांजपे यांच्यात लढत झाली.

कल्याण लोकसभा निकाल – Kalyan Lok Sabha Results : कल्याण लोकसभा मतदारसंघात चौथ्या टप्प्यात 29 एप्रिलला मतदान झालं. इथे यंदा 44.27 टक्के मतदानाची नोंद झाली. कल्याण लोकसभा मतदारसंघात शिवसेनेकडून श्रीकांत शिंदे विरुद्ध राष्ट्रवादीचे बाबाजी पाटील यांच्यात फाईट झाली. डॉ. श्रीकांत शिंदे यांचे पारडे या मतदारसंघात जड असल्याचं सुरुवातीपासूनच मानलं गेलं. राष्ट्रवादीने तुल्यबळ उमेदवार दिला नसल्याने, श्रीकांत शिंदेंसाठी ही निवडणूक जाईल असं सुरुवातीपासूनच म्हटलं जात होतं.

भिवंडी लोकसभा निकाल – Bhiwandi Lok Sabha Results : महाराष्ट्रातील चौथ्या टप्प्यात 29 एप्रिल रोजी भिवंडी लोकसभा मतदारसंघात मतदान पार पडले. इथे 53 टक्के मतदानाची नोंद झाली. या मतदारसंघात भारतीय जनता पार्टीचे उमेदवार विद्यमान खासदार कपिल पाटील आणि काँग्रेसचे उमेदवार माजी खासदार सुरेश टावरे  या दोन उमेदवारांमध्ये मुख्य लढत झाली.