झुकलेले खांदे, हातात काठी, 3 Idiots फेम अभिनेत्याची अशी अवस्था पाहून फॅन्स इमोशनल

3 Idiots फेम अभिनेत्याची अशी अवस्था पाहून फॅन्स इमोशनल झाले आहे. एक काळ असा होता, जेव्हा सिनेमाने सर्वांचं भरभरुन मनोरंजन केलं. पण आता सिनेमातील एका अभित्याला हातात काठी घेवून चालावं लागत आहे. सध्या ज्या अभिनेत्याच्या प्रकृतीची चर्चा रंगली आहे, ते दुसरे तिसरे कोणी नाही तर, अभिनेते परीक्षित सहानी आहेत. सहानी यांनी सिनेमात फरहान याचे स्ट्रिक्ट वडील, म्हणजेच ‘सुरज कुरेशी’ यांची महत्त्वाची भूमिका साकारली होती. आता त्यांचा एक व्हिडीओ सोशल मीडियावर व्हायरल होत आहे. व्हिडीओमध्ये साहनी काठीचा आधार घेऊन चालताना दिसत आहेत. त्यांच्या व्हिडीओवर अनेकांनी कमेंट करत ‘अब्बा बूढ़े हो गए…’, असं लिहिलं आहे.

व्हिडीओमध्ये काय दिसत आहे?

एका व्हायरल व्हिडिओमध्ये, परीक्षित साहनी एका सार्वजनिक ठिकाणी अडखळत चालताना दिसले; यावेळी त्यांना पुढे जाण्यास मदत करण्यासाठी एक कर्मचारी त्यांच्या खांद्याला आधार देत होता. सहनी यांनी पायजमा आणि टी-शर्ट घातला होता, तसेच त्यांनी लाल रंगाची टोपी आणि हातात चालण्याची काठी घेतली होती. त्यांच्यावर वाढत्या वयाचा परिणाम स्पष्टपणे दिसून येत होता, तरीही ते हसतानाही दिसले.

View this post on Instagram

A post shared by Viral Bhayani (@viralbhayani)

चाहते भावून…

सहानी यांचा व्हिडीओ समोर येताच चाहते देखील भावूक झाले आहे. व्हायरल होत असलेल्या व्हिडीओवर चाहत्यांनी कमेंट करत प्रतिक्रिया देण्यास सुरुवात केली आहे. ‘3 इडियट्स’ सिनेमातील त्यांची भूमिका आठवत अनेकांनी कमेंट करत चिंता व्यक्त केली आहे. एक नेटकरी कमेंट करत म्हणाला, ‘लेजेंट’, दुसरा नेटकरी म्हणाला, ‘यालाच आयुष्य म्हणतात.’, तिसरा नेटकरी विनोदी कमेंट करत म्हणाला, ‘असं वाटतं फरहान अद्याप सेट नाही झाला.’

परीक्षित साहनी यांच्याबद्दल सांगायचं झालं तर, ते हिंदी सिनेमातील दिग्गज अभिनेते बलराज साहनी यांचे पूत्र आहे. त्यांनी वडिलांप्रमाणेच अभिनय विश्वात स्वतःचं नाव मोठं केलं. ‘3 इडियट्स’ सिनेमा शिवाय त्यांनी ‘पीके’, ‘सुल्तान’, ‘लगे रहो मुन्ना भाई’ यांसारख्या अनेक सिनेमांमध्ये काम केलं आहे. आता ते 82 वर्षांचे असून लाईमलाईटपासून दूर आहेत.