मतदार यादीतून माझे नाव काढून टाकले; प्रकाश राज यांचा दावा, Video Viral
प्रकाश राज यांचे म्हणणे आहे की त्यांच्याकडून मतदान करण्याचा अधिकार हिरावून घेण्यात आला आहे. एसआयआर प्रक्रियेनंतर बंगळुरु मतदारसंघाच्या मतदार यादीतून त्यांचे नाव काढून टाकण्यात आले आहे.
प्रसिद्ध अभिनेते प्रकाश राज यांनी मोठा दावा केला आहे. त्यांचे म्हणणे आहे की बंगळुरु मतदारसंघातील त्यांचा मतदानाचा अधिकार काढून घेण्यात आला आहे. एसआयआर प्रक्रियेनंतर हे घडले असल्याचे त्यांनी सांगितले आहे. प्रकाश यांचा जन्म बंगळुरूमध्ये झाला. तेथेच त्यांनी शिक्षण घेतले आणि थिएटर केले. तरीही त्यांचा मतदानाचा अधिकार काढून घेतला असल्याचे प्रकाश राज यांनी व्हिडीओच्या माध्यमातून सांगितले. या व्हिडीओमध्ये त्यांनी “चांगला जोक आहे. असाच सुरू ठेवा” हे उपरोधीकपणे म्हटले आहे.
काय आहे प्रकाश राज यांचा व्हिडीओ?
अभिनेते प्रकाश राज यांनी त्यांच्या अधिकृत एक्स सोशल मीडिया अकाऊंटवर एक व्हिडीओ शेअर केला आहे. या व्हिडीओमध्ये ते बोलताना दिसत आहेत की, मला तुम्हाला एक जोक सांगायचा आहे. मी त्या 65 लाख मतदारांपैकी आहे ज्याचा बंगळुरु मतदार संघातील मतदानाचा अधिकार काढून घेण्यात आला आहे. तेही एसआयर प्रक्रियेनंतर. मस्त जोक आहे ना. माझा जन्म बंगळूरुमध्ये झाला आहे. मी याच मंतदार संघात राहात आहे. माझी शाळा, कॉलेज आणि थिएटरदेखील इथूनच झाले. हा खरच खूप चांगला जोक आहे. खेळ सुरु आहे.
Fraand 😂😂 you may chose n deny voting rights of few citizens who may not elect you back to thrown.. but can you stop us from eventually bringing you down from your thrown #justasking pic.twitter.com/S8BpM3CNy0
— Prakash Raj (@prakashraaj) August 11, 2026
पुढे ते म्हणाले, आता पाहूया, आपला वोटर आयडी परत मिळवण्यासाठी काय काय कागदपत्रे दाखवावे लागतील. खेळ सुरू आहे. ते लोक आपली सत्ता दाखवण्यासाठी हे सर्व करू शकतात. त्यांचा मतदान करण्याचा अधिकार हिरावून घेऊ शकतात. पण हे लोक त्यांना त्यांच्या सत्तेतून काढून टाकण्यापासून रोखू शकतील का?
व्हिडीओ शेअर करत उपरोधीक टोला
प्रकाश राज यांनी हा व्हिडीओ शेअर करत, जरी तुम्ही काही नागरिकांचा मतदान करण्याचा अधिकार हिरावून घेऊ शकता, जे कदाचित तुम्हाला पुन्हा सत्तेवर निवडणार नाहीत. पण ज्या सत्तेवर तुम्ही बसला आहात, तिथून तुम्हाला खाली उतरवण्याच्या आमच्या प्रयत्नाला तुम्ही रोखू शकाल का? या आशयाचे कॅप्शन दिले आहे.
प्रकाश राज यांच्या कामाविषयी
प्रकाश राज यांच्या कामाविषयी बोलायचे झाले तर ते ‘दृश्यम ३’ या चित्रपटात दिसणार आहेत. प्रकाश राज चित्रपटांशिवाय आपल्या बिनधास्त विधानांमुळेही चर्चेत राहतात. ते प्रत्येक सामाजिक आणि राजकीय मुद्द्यांवर आपले मत मांडतात दिसतात. अलीकडे दिल्लीत झालेल्या विद्यार्थी आंदोलनातही प्रकाश राज सहभागी झाले होते. जंतर मंतर येथील त्यांचे व्हिडीओ सोशल मीडियावर व्हायरल झाले होते.
