Kriti Sanon | अभिनेत्याने क्रिती सनॉनला म्हटलं ‘पनौती’; 600 कोटी रुपये बुडवणार असल्याची केली टीका
क्रिती सनॉन आणि कार्तिक आर्यन यांचा 'शहजादा' हा चित्रपट शुक्रवारी प्रदर्शित झाला. मात्र बॉक्स ऑफिसवर या चित्रपटाला फारसा प्रतिसाद मिळत नाहीये. पहिल्या दोन दिवसांत 'शहजादा'ने फक्त 12 कोटी रुपयांचा गल्ला जमवला आहे. यावरूनच केआरकेनं क्रितीवर निशाणा साधला आहे.
मुंबई: बॉलिवूड इंडस्ट्री आणि सेलिब्रिटींबद्दल वादग्रस्त वक्तव्ये करणाऱ्या कमाल आर खानने पुन्हा एकदा असं वक्तव्य केलंय, ज्यामुळे तो चर्चेत आला आहे. यावेळी त्याने अभिनेत्री क्रिती सनॉनवर निशाणा साधला आहे. केआरकेनं कृतीला ‘पनौती’ असं म्हटलंय. हे वाचून चाहते केआरकेवर चांगलेच भडकले आहेत. क्रिती सनॉन आणि कार्तिक आर्यन यांचा ‘शहजादा’ हा चित्रपट शुक्रवारी प्रदर्शित झाला. मात्र बॉक्स ऑफिसवर या चित्रपटाला फारसा प्रतिसाद मिळत नाहीये. पहिल्या दोन दिवसांत ‘शहजादा’ने फक्त 12 कोटी रुपयांचा गल्ला जमवला आहे. यावरूनच केआरकेनं क्रितीवर निशाणा साधला आहे.
केआरकेनं क्रितीला ‘पनौती’ म्हटलंय. ती ज्या चित्रपटात काम करते, तो चित्रपट फ्लॉप होतो, अशी टीका त्याने केली आहे. मात्र त्याच्या या टीकेनंतर नेटकरी केआरकेवरच राग व्यक्त करत आहेत.
काय म्हणाला केआरके?
‘क्रिती सनॉन ही बॉलिवूडमधल्या पनौती अभिनेत्रींपैकी एक आहे. ज्या चित्रपटात काम करते, तो फ्लॉप ठरतो. भेडियासारख्या चित्रपटालाही तिने खाऊन टाकलं होतं’, असं त्याने एका ट्विटमध्ये म्हटलंय. तर दुसऱ्या ट्विटमध्ये त्याने लिहिलं, ‘आता तर महापनौती क्रिती सनॉनचा जलवा अजून बाकी आहे. 600 कोटींच्या बजेटचा चित्रपट आदिपुरुषची हिरोईनसुद्धा तीच आहे. क्रिती सनॉन की जय हो!’
Actress #KritiSanon is one of the most Panauti actress in the Bollywood. Jis film main Aati hai, Le Doobti hai. Bhediya Jaisi Film Ko Bhi Kha Gayee Thi.
— KRK (@kamaalrkhan) February 18, 2023
Aur Abhi Toh Maha Panauti #KritiSanon Ka Jalwa BaaKi Hai. ₹600Cr budget Ki Film #Adipurush Ki heroine Bhi Wahi Hai. Jai Ho Kriti Sanon Ki.??
— KRK (@kamaalrkhan) February 18, 2023
केआरकेच्या या ट्विट्सवर नेटकऱ्यांनी विविध प्रतिक्रिया दिल्या आहेत. ‘असं बोलताना लाज वाटली पाहिजे तुला’, असं एकाने लिहिलंय. तर ‘तेलुगू चित्रपटाची कॉपी केल्यानंतर कसा काय चित्रपट बॉक्स ऑफिसवर चालेल? रिमेक करताना काहीतरी नवीनसुद्धा त्यात हवं. तुम्ही लोक उगाचंच तिची बदनामी करताय’, असं दुसऱ्या युजरने म्हटलंय. ‘भावा तिच्या भूमिका मग तूच कर’, असंही नेटकऱ्यांनी केआरकेला सुनावलंय.
अशा पद्धतीने टिप्पणी करण्याची केआरकेची ही काही पहिलीच वेळ नाही. याआधीही त्याने बॉलिवूडमधल्या अनेक कलाकारांवर निशाणा साधला होता. इतकंच नव्हे तर अभिनेता सलमान खानने त्याच्याविरोधात तक्रारसुद्धा केली होती.
