Akshara Singh MMS Leak: प्रायव्हेट व्हिडीओ लीकप्रकरणी भडकली अक्षरा सिंह; आकांक्षा दुबेचा उल्लेख करत म्हणाली..
अक्षरा ही फक्त यूपी बिहारमध्येच नाही तर देशभरात प्रसिद्ध आहे. अभिनयासोबतच तिच्या गायनाचेही असंख्य चाहते आहेत. अक्षराची गाणी अनेकदा युट्यूबवर ट्रेंडिंग लिस्टमध्ये असतात.
मुंबई : भोजपुरी अभिनेत्री अक्षरा सिंह पुन्हा एकदा तिच्या MMS व्हिडीओ लीकप्रकरणी चर्चेत आली आहे. सोशल मीडियावर एक एमएमएस क्लिप व्हायरल झाली आहे आणि त्यात भोजपुरी क्वीन अक्षरा सिंह असल्याचं नेटकरी म्हणत आहेत. त्यावर आता अक्षराने मौन सोडलं आहे. नुकत्याच दिलेल्या एका मुलाखतीत तिने या लीक व्हिडीओमागील सत्य चाहत्यांसमोर आणलं आहे. अक्षरा सध्या उत्तरप्रदेशमधील बस्ती याठिकाणी आगामी चित्रपटाचं शूटिंग करत आहे. मात्र एमएमएस लीक झाल्याच्या वृत्तामुळे तिचं मन विचलित झालं आहे. 2018 पासून एक गँग माझी बदनामी करण्याचा प्रयत्न करत आहे, असं अक्षरा या मुलाखतीत म्हणाली.
“मी माझ्या कामाच्या पहिल्या दिवसापासूनच या स्ट्रगलला सामोरं जातेय. आधी असं वाटायचं की, जाऊ दे कायदेशीर बाबींमध्ये कोण अडकणार? मात्र माझं गप्प राहण्याचाच फायदा लोकांनी उचलला आहे. मी यापुढे अशा गोष्टी सहन करणार नाही. जर एखादा युट्यूब ब्लॉगर हे सर्व करत असेल तर मी समजू शकते. कारण पैसे कमावण्यासाठी ते कोणत्याही थराला जाऊ शकतात. मला मोठ्या वृत्तवाहिन्या आणि माध्यमांशी खरी समस्या आहे. सत्य जाणून न घेता ते अशा बातम्या छापतात आणि त्यामुळेच मला जास्त दु:ख होतं. एका मुलीबद्दल असं लिहिण्याचा हक्क तुम्हाला कोणी दिला”, असा सवाल तिने केला.
View this post on Instagram
काही दिवसांपूर्वीच भोजपुरी अभिनेत्री आकांक्षा दुबेच्या आत्महत्येनं इंडस्ट्रीत खळबळ उडाली होती. अक्षराने तिचाही उल्लेख यावेळी केली. “2018 पासून माझ्यामागे एक गँग लागली आहे. हे लोक मला काम करू देत नाहीत. मी दुसरी आकांक्षा दुबे बनावी आणि या सर्व गोष्टींना वैतागून मी फाशी घ्यावी अशीच त्यांची इच्छा आहे. मात्र मी अशा गोष्टींनी खचणार नाही”, असं उत्तर तिने दिलं आहे.
याआधीही अक्षराच्या एमएमएस व्हिडीओ लीकची जोरदार चर्चा होती. त्यावेळी प्रतिक्रिया देताना ती म्हणाली होती, “हा कोणीतरी केलेला खूपच घाणेरडा स्टंट आहे. मला त्या गोष्टीची पर्वा नाही. कोणीही काहीही बोलू द्या. तो MMS व्हिडिओ मी अजून पाहिलेला नाही. ज्यांनी तो व्हिडीओ व्हायरल केला त्यांना मला हे विचारायचं आहे की, मी त्या व्हिडिओमध्ये दिसत आहे का? अशा कृतीने मी खचून जाणार नाही आणि मला काही फरक पडत नाही.”
अक्षरा ही फक्त यूपी बिहारमध्येच नाही तर देशभरात प्रसिद्ध आहे. अभिनयासोबतच तिच्या गायनाचेही असंख्य चाहते आहेत. अक्षराची गाणी अनेकदा युट्यूबवर ट्रेंडिंग लिस्टमध्ये असतात.
