आधी झाली Oops Moment शिकार, नंतर थोडक्यात वाचला जीव, बिग बॉस अभिनेत्री पापाराझींसमोरच ओरडली, Video व्हायरल
बिग बॉस 18 फेम अभिनेत्रीचा oops moment चा एक व्हिडीओ सध्या प्रचंड व्हायरल होत आहे. ज्यामध्ये ती एका मोठ्या अपघातातून थोडक्यात वाचली आहे. नेमकं काय घडलं?
Yamini Malhotra : टेलिव्हिजन विश्वातील लोकप्रिय अभिनेत्री यामिनी मल्होत्रा सध्या सोशल मीडियावर जोरदार चर्चेत आली आहे. यामिनीचा एक व्हिडिओ सध्या वेगाने व्हायरल होत असून या व्हिडिओमध्ये तिच्यासोबत एक मोठा अपघात घडता-घडता थोडक्यात टळल्याचे पाहायला मिळत आहे. या घटनेमुळे चाहत्यांमध्ये चिंता व्यक्त केली जात आहे. त्यासोबत रस्त्यावरील बेफिकीर वाहनचालकांवर संताप व्यक्त केला जात आहे.
व्हायरल झालेल्या व्हिडिओमध्ये यामिनी मल्होत्रा आपल्या कारमधून बाहेर उतरताना दिसत आहे. तिने परिधान केलेला आऊटफिट लक्षात घेता ती अत्यंत सावधपणे कारमधून बाहेर पडत असल्याचे स्पष्ट दिसते. ऊप्स मोमेंट टाळण्यासाठी ती पूर्ण लक्ष देत असतानाच काही क्षणांतच तिच्यासमोरून एक दुचाकी जाताना दिसत आहे. एवढ्यावरच न थांबता त्याचवेळी तिच्या मागील बाजूने असलेल्या कारचा ड्रायव्हर अचानक गाडी पुढे घेतो.
या सगळ्या गोंधळात यामिनीने प्रसंगावधान राखत स्वतःला कसंबसं सावरले आणि मोठा अपघात टळला. मात्र, या निष्काळजी आणि धोकादायक प्रकारामुळे ती चांगलीच संतापलेली दिसली. व्हिडिओमध्ये ती ड्रायव्हरवर जोरात ओरडताना ऐकू येते ‘पागल हो गया है’ तिच्या या प्रतिक्रियेचे अनेकांनी समर्थन केले असून रस्त्यावरील अशा बेफिकीर वाहनचालकांवर कठोर कारवाई व्हावी अशी मागणी सोशल मीडियावर केली जात आहे.
या धक्कादायक घटनेनंतरही यामिनीने स्वतःला सावरत उपस्थित पापाराझींना फोटोसाठी पोझ दिल्या. तिचा हा संयम आणि आत्मविश्वास चाहत्यांनी कौतुकास्पद असल्याचे म्हटले आहे.
View this post on Instagram
यामिनीची संपत्ती किती?
यामिनी मल्होत्रा ही छोट्या पडद्यावरील हिट मालिका ‘गुम है किसी के प्यार में’ मधील शिवानी चव्हाण या भूमिकेमुळे घराघरात पोहोचली. मात्र, काही काळानंतर तिने ही मालिका सोडण्याचा निर्णय घेतला. अभिनयाव्यतिरिक्त यामिनी ही व्यवसायाने डेंटिस्ट असून ती एक लोकप्रिय सोशल मीडिया इन्फ्लुएंसर देखील आहे.
मिळालेल्या माहितीनुसार, यामिनी मल्होत्राची एकूण संपत्ती सुमारे 4 कोटी रुपये इतकी असून यामध्ये तिच्या अभिनयातून आणि डेंटिस्ट म्हणून केलेल्या कामाचा समावेश आहे. वैयक्तिक आयुष्याबद्दल बोलायचे झाल्यास, यामिनी सध्या सिंगल आहे. रस्त्यावर घडलेल्या या धक्कादायक प्रसंगानंतर यामिनी सुरक्षित असल्याचे पाहून चाहत्यांनी सुटकेचा श्वास घेतला आहे.
